आरसीएफ टी-ट्वेन्टी क्रिकेट स्पर्धा अकाउंटंट जनरल स्पोर्टस क्लबचा मुंबई पोलिसांवर विजय

आरसीएफ टी-ट्वेन्टी क्रिकेट स्पर्धा

अकाउंटंट जनरल स्पोर्टस क्लबचा मुंबई पोलिसांवर विजय

मुंबई : आरसीएफ-डॉ. बाबासाहेब आंबेडकर टी-ट्वेन्टी क्रिकेट स्पर्धेच्या पहिल्या फेरीच्या सामन्यात अकाउंटंट

जनरल स्पोर्टस क्लबने ग्रेटर मुंबई पोलीस स्पोर्ट्स क्लबवर 30 धावांनी विजय मिळवला.

बृहन्मुंबई पोलिसांनी नाणेफेक जिंकून प्रथम क्षेत्ररक्षण करण्याचा निर्णय घेतला. त्यानंतर अकाउंटंट जनरल स्पोर्टसक्लबने 20 षटकांत 4 बाद 193 धावा केल्या. त्यात सलामीवीर स्वप्नील साळवी (69 धावा, 31 चेंडू, 6 चौकार, 5 षटकात) आणि वरुण लवंदे यांचे (47 धावा, 34 चेंडू, 6 चौकार, 1 षटकार) सर्वधिक योगदान राहिले. या

जोडीने १२७ धावांची सलामी देत मोठ्या धावसंख्येची पायाभरणी केली.

प्रत्युत्तरादाखल, ग्रेटर मुंबई पोलिस स्पोर्ट्स क्लबला 20 षटकांत 7 बाद 163 धावा करता आल्या. रोहित पोळ (47) आणि सूरज शिंदेने (41) थोडा प्रतिकार केला तरीही अन्य सहकाऱ्यांनी निराशा केली. अकाउंटंट जनरल स्पोर्टस क्लबकडून इम्तियाज अहमद आणि जेफ परेराने प्रत्येकी 2 विकेट घेत विजयात मोलाचा वाटा उचलला.

अन्य लढतीत, विवा सुपरमार्केट एससीने रेप्रो इंडिया एससीवर ७ विकेट राखून मात केली.

संक्षिप्त धावफलक: अकाउंटंट जनरल स्पोर्टस क्लब - 20 षटकांत 4 बाद 193 (स्वप्नील साळवी 69, वरुण लवंदे

47, ब्रविश शेट्टी 30*, लार्सन डी' कोस्टा 21; आर्यराज निकम 2/22) वि. ग्रेटर मुंबई पोलीस स्पोर्ट्स क्लब - 20 षटकांत 7 बाद 163(रोहित पोळ 47, सूरज शिंदे 41, तनिश मेहेर 27; इम्तियाज अहमद 2/22, जेफ परेरा 2/39). निकाल : अकाउंटंट जनरल स्पोर्टस क्लब 30 धावांनी विजयी.