३८ व्या नॅशनल गेम्समध्ये महाराष्ट्र राज्य टेबल टेनिस संघाची अभूतपूर्व कामगिरी – गणेश माळवे यांचा पालकमंत्री मेघना दीदी साकोरे यांच्या हस्ते सत्कार

 

३८ व्या नॅशनल गेम्समध्ये महाराष्ट्र राज्य टेबल टेनिस संघाची अभूतपूर्व कामगिरी – गणेश माळवे यांचा पालकमंत्री मेघना दीदी साकोरे यांच्या हस्ते सत्कार

 

सेलू (प्रतिनिधी) – उत्तराखंड येथे पार पडलेल्या 38 व्या नॅशनल गेम्समध्ये महाराष्ट्र राज्य टेबल टेनिस संघाने एक अनोखी कामगिरी केली. राज्य संघाने उत्कृष्ट प्रदर्शन करत जनरल चॅम्पियनशिप ट्रॉफी जिंकली, यामुळे संपूर्ण राज्याला गर्व अनुभवायला मिळाला. या अभूतपूर्व यशाबद्दल महाराष्ट्र राज्य टेबल टेनिस संघ व्यवस्थापक गणेश माळवे यांचा सत्कार परभणीच्या जिल्हाधिकारी कार्यालयात राज्यमंत्री आणि परभणी जिल्ह्याच्या पालकमंत्री, मा. मेघना दीदी साकोरे बोर्डीकर यांच्या हस्ते दि. २४ फेब्रुवारी रोजी करण्यात आला.

 

महाराष्ट्राचा शानदार विजय

38 वी नॅशनल गेम्समध्ये महाराष्ट्र राज्य संघाने एकूण १० पदकांची कमाई केली. यामध्ये २ सुवर्ण, ४ रौप्य आणि ४ कांस्यपदके यांचा समावेश आहे. महाराष्ट्राच्या टेबल टेनिस संघाने आपल्या उत्कृष्ट कौशल्याने संपूर्ण देशाचे लक्ष वेधून घेतले आणि ऐतिहासिक विजय मिळवला.

 

विजेत्यांची यादी:

पुरुष एकेरी: सुवर्णपदक – जश मोदी

 

महिला एकेरी: रौप्यपदक – स्वस्तिका घोष, कांस्यपदक – पृथा वर्टीकर

 

महिला दुहेरी: सुवर्णपदक – दिया चितळे / स्वस्तिका घोष

 

पुरुष दुहेरी: कांस्यपदक – सिद्धेश पांडे / रेगन अल्बुकर्क

 

मिश्र दुहेरी: रौप्यपदक – चिन्मय सोमय्या / रीथ ऋया टेनिशन, कांस्यपदके – जश मोदी / तनिषा कोटेचा, रेगन अल्बुकर्क / स्वस्तिका घोष

 

पुरुष संघ: रौप्यपदक – दीपित पाटील, चिन्मय सोमय्या, जश मोदी, सिद्धेश पांडे, रेगन अल्बुकर्क

 

महिला संघ: रौप्यपदक – स्वस्तिका घोष, दिया चितळे, तनिषा कोटेचा, रीथ ऋया टेनिशन, सायली वाणी

 

संघ व्यवस्थापन: संघ प्रशिक्षक – सुनील बाब्रास, महेंद्र चिपळूणकर
संघ व्यवस्थापक – श्रीराम कोनकर, गणेश माळवे

 

या ऐतिहासिक यशासाठी संघ व्यवस्थापनाचे प्रचंड योगदान आहे. विशेषतः गणेश माळवे यांच्या मेहनतीमुळे संघाच्या यशात मोठे योगदान आहे. त्यांच्या कार्यगिरीला सन्मानित करत, पालकमंत्री मेघना दीदी साकोरे बोर्डीकर यांनी त्यांचा सत्कार केला.

सत्कार सोहळ्यात जिल्हाधिकारी रघुनाथ गावंडे, मुख्य कार्यकारी अधिकारी नतिषा माथुर, अप्पर जिल्हाधिकारी डॉ. प्रताप काळे, मनपा आयुक्त धैर्यशील जाधव, माजी नगराध्यक्ष सचिन गोरे, भाजपा तालुका अध्यक्ष ॲड. दत्तराव कदम, आणि अनेक मान्यवर उपस्थित होते.

 

या यशामुळे महाराष्ट्र राज्य टेबल टेनिस संघाच्या खेळाडूंना आणि व्यवस्थापनाला भविष्यकाळात अजून मोठे यश मिळो, अशी कामना पालकमंत्री मेघना दीदी साकोरे यांनी केली.