सीसीआय स्नूकर क्लासिक 2025 स्पर्धा कमल चावला याला हरवून ईशप्रीत अंतिम फेरीत

सीसीआय स्नूकर क्लासिक 2025 स्पर्धा

कमल चावला याला हरवून ईशप्रीत अंतिम फेरीत

 

मुंबई, ८ मार्च: मुंबईचा व्यावसायिक स्नूकर खेळाडू इशप्रीत सिंग चढ्ढा (पीएसपीबी) याने सर्वोत्तम फॉर्म राखत सीसीआय स्नूकर क्लासिक 2025 या अखिल भारतीय स्पर्धेच्या उपांत्य फेरीत रेल्वेच्या कमल चावला वर ६-३ असा सहज विजय मिळवत अंतिम फेरीत धडक मारली.

 

सीसीआयच्या विल्सन जोन्स बिलियर्ड्स हॉलमध्ये खेळल्या जात असलेल्या या स्पर्धेत शनिवारी दोन माजी राष्ट्रीय विजेते एकमेकांच्या विरोधात खेळले. इशप्रीतने पहिली फ्रेम गमावली असली तरी संयमी आणि रणनीतिक खेळ करून कमल चावला चे आव्हान मोडून काढले.

 

मध्य प्रदेशच्या कमल चावला ने सुरुवात आश्वासक केली, परंतु तो सातत्य राखण्यात कमी पडला. विशेषतः तिसऱ्या आणि चौथ्या फ्रेममध्ये त्याने केलेल्या चुका इशप्रीतसाठी फायदेशीर ठरल्या. इशप्रीतने छोटे-छोटे ब्रेक्स एकत्र करत चांगला खेळ केला आणि नवव्या फ्रेममध्ये 32 गुणांचा ब्रेक घेत त्याचे उच्च दर्जाचे खेळ दाखवले. इशप्रीतने ६-३ च्या विजयासह अंतिम फेरीत स्थान मिळवले, जिथे त्याची गाठ पंकज अडवानी आणि फैसल खान यांच्यातील विजेत्याशी पडेल.

 

निकाल - उपांत्य फेरी:

इशप्रीत सिंग चढ्ढा (पीएसपीबी) विजयी वि. कमल चावला (रेल्वे) - ६-३
(68-75, 87-46, 64-58, 67-8, 64-57, 41-82(63), 78(77)-19, 33-72, 54(32)-40)

 

फोटो कॅप्शन: मुंबईचा व्यावसायिक स्नूकर खेळाडू इशप्रीत सिंग चढ्ढा (पीएसपीबी) ने सीसीआय स्नूकर क्लासिक स्पर्धेच्या उपांत्य फेरीत शनिवारी रेल्वेच्या कमल चावला वर ६-३ असा विजय मिळवला.