३३ वी वरिष्ठ मुंबई जिल्हा अजिंक्यपद कॅरम स्पर्धा प्रशांत मोरे व मिताली पाठकला अग्र मानांकन ३३ व्या वरिष्ठ स्पर्धेत रंगणार थरार शिवाजी पार्कवर सोंगट्यांचा महासंग्राम

 

३३ वी वरिष्ठ मुंबई जिल्हा अजिंक्यपद कॅरम स्पर्धा

प्रशांत मोरे व मिताली पाठकला अग्र मानांकन

३३ व्या वरिष्ठ स्पर्धेत रंगणार थरार

शिवाजी पार्कवर सोंगट्यांचा महासंग्राम

 

मुंबई : शिवाजी पार्क, दादर येथील महाराष्ट्र राज्य भारत स्काऊट हॉलमध्ये येत्या १४ फेब्रुवारी २०२६ पासून कॅरमच्या सोंगट्यांचा थरार रंगणार आहे! ३३ व्या वरिष्ठ मुंबई जिल्हा अजिंक्यपद कॅरम स्पर्धेच्या निमित्ताने मुंबईतील अव्वल कॅरमपटू एकाच छताखाली भिडणार असून, मानांकन जाहीर होताच स्पर्धेची उत्सुकता शिगेला पोहोचली आहे.

 

स्पर्धेची रूपरेषा : पाच गटांत रंगणार सामना

मुंबई जिल्हा कॅरम असोसिएशन आयोजित या प्रतिष्ठेच्या स्पर्धेला भारतीय आयुर्विमा महामंडळ, इंडियन ऑइल व ओ. एन. जी. सी. यांचा पुरस्कार लाभला आहे.
स्पर्धा पुरुष एकेरी, महिला एकेरी, पुरुष वयस्कर एकेरी (५० वर्षावरील), आंतर संस्था आणि आंतर क्लब अशा एकंदर ५ गटांमध्ये खेळवली जाणार आहे.

पुरुष एकेरीत १४८ खेळाडू, महिला एकेरीत ३० खेळाडू, वयस्कर गटात ४४ खेळाडू, आंतर संस्था गटात १० संघ तर आंतर क्लब गटात ७ क्लब्स सहभागी झाले आहेत.

 

पुरुष एकेरी : प्रशांत मोरे अग्रस्थानी

पुरुष एकेरी गटात रिझर्व्ह बँक स्पोर्ट्स क्लबच्या प्रशांत मोरे यांना अग्र मानांकन देण्यात आले आहे.

 

पुरुष एकेरी मानांकन

१) प्रशांत मोरे (रिझर्व्ह बँक स्पोर्ट्स क्लब), २) राहुल सोळंकी (शिवतारा कॅरम क्लब), ३) सिद्धांत वाडवलकर (डी. के. कॅरम क्लब), ४) ओंकार टिळक (ए. के. फाउंडेशन), ५) विकास धारिया (मुंबई महानगरपालिका), ६) शेख महम्मद रझा (ए. के. फाऊंडेशन), ७) प्रफुल मोरे (आयकर स्पोर्ट्स क्लब), ८) कमलेश राठोड (ए. के. फाऊंडेशन)

 

 

महिला एकेरी : मिताली पाठक प्रथम मानांकित

महिला गटात जैन इरिगेशन सिस्टिम्स लिमिटेडच्या मिताली पाठक यांना प्रथम मानांकन मिळाले आहे.

 

महिला एकेरी मानांकन

१) मिताली पाठक (जैन इरिगेशन सिस्टिम्स लिमिटेड), २) अंबिका हरिथ (रिझर्व्ह बँक स्पोर्ट्स क्लब), ३) सिमरन शिंदे (शिवतारा कॅरम क्लब), ४) ऐशा महम्मद साजिद (जैन इरिगेशन सिस्टिम्स लिमिटेड)

 

वयस्कर गट : पवन मेस्त्रीला अग्रमान

पुरुष वयस्कर (५० वर्षावरील) गटात हाफकिन स्पोर्ट्स क्लबच्या पवन मेस्त्री यांना अग्र मानांकन देण्यात आले आहे.

 

वयस्कर पुरुष एकेरी मानांकन

१) पवन मेस्त्री (हाफकिन स्पोर्ट्स क्लब), २) बाबुलाल श्रीमल (ए. के. फाऊंडेशन), ३) शांतीलाल जीतिया (मुंबई महानगरपालिका), ४) परविंदर सिंग ग्रोव्हर (यंग बॉईज स्पोर्ट्स क्लब)

 

आंतर संस्था व आंतर क्लब गट

संघ स्पर्धेतही चुरस पाहायला मिळणार आहे.

आंतर संस्था मानांकन

१) मुंबई महानगरपालिका "अ" संघ, २) रिझर्व्ह बँक स्पोर्ट्स क्लब, ३) मुंबई महानगरपालिका "ब" संघ, ४) बी. ई. एस. टी. स्पोर्ट्स क्लब "अ" संघ

 

आंतर क्लब मानांकन

१) शिवतारा कॅरम क्लब, २) महाराष्ट्र कामगार कल्याण मंडळ, ना. म. जोशी मार्ग, ३) डी. के. कॅरम क्लब, ४) ए. के. फाऊंडेशन

 

थरारासाठी सज्ज मुंबई!

अग्र मानांकन जाहीर झाल्यानंतर स्पर्धेचा थरार अधिकच रंगतदार होणार आहे. अनुभवी खेळाडू आणि युवा कॅरमपटूंच्या संघर्षातून मुंबई जिल्हा अजिंक्यपद कोणाच्या नावावर कोरले जाणार, याकडे संपूर्ण कॅरम विश्वाचे लक्ष लागले आहे.