महिला महाराष्ट्र केसरीत डॉली गुप्ताची दमदार झेप कांस्य पदकावर नाव कोरले! रीपॅचच्या संधीचा अचूक फायदा घेत आक्रमक खेळातून विजय श्री गणेश आखाड्याचा पुन्हा दबदबा सोलापूरच्या मातीत डॉलीचा दमदार डाव!

 

महिला महाराष्ट्र केसरीत डॉली गुप्ताची दमदार झेप

कांस्य पदकावर नाव कोरले!

रीपॅचच्या संधीचा अचूक फायदा घेत आक्रमक खेळातून विजय

श्री गणेश आखाड्याचा पुन्हा दबदबा

सोलापूरच्या मातीत डॉलीचा दमदार डाव!

 

सोलापूर : सोलापूरच्या कुस्ती मैदानावर पुन्हा एकदा मिरा-भाईंदरच्या मल्लांनी आपला ठसा उमटवला! महिला महाराष्ट्र केसरी कुस्ती स्पर्धा २०२६ मध्ये कु. डॉली गुप्ता हिने अप्रतिम जिद्द, धैर्य आणि आक्रमक खेळाच्या जोरावर कांस्य पदक पटकावत श्री गणेश आखाड्याचा झेंडा उंचावला!

 

स्पर्धेचे रंगतदार आयोजन : सोलापूरमध्ये कुस्तीचा जल्लोष

दिनांक २८ व २९ मार्च रोजी हरिभाई देवाकरण प्रशाला, सिद्धेश्वर पेठ, सोलापूर येथे ही प्रतिष्ठेची स्पर्धा रंगली. राज्यभरातील नामांकित महिला पैलवानांनी सहभाग घेत स्पर्धेला उंची गाठून दिली.

 

पहिल्या लढतीत अडथळा, पण जिद्दीने उभारी

स्पर्धेच्या सुरुवातीलाच कु. डॉली गुप्ता हिचा सामना कोल्हापूरच्या राधिका ढेरे सोबत झाला. या लढतीत गुणांच्या कमतरतेमुळे तिला पराभव स्वीकारावा लागला. पण इथेच तिची जिद्द थांबली नाही तर खरी सुरुवात इथूनच झाली!

 

रीपॅचची संधी आणि दमदार पुनरागमन

कुस्तीच्या नियमांनुसार प्रतिस्पर्धी फायनलमध्ये पोहोचल्याने डॉलीला रीपॅचद्वारे पुन्हा संधी मिळाली. दुसऱ्या लढतीत तिने रायगडच्या वैष्णवी कुंभारला १०-० अशा एकतर्फी गुणांनी पराभूत करत जबरदस्त पुनरागमन केले.

 

कांस्य पदकाची निर्णायक लढत (सलग कामगिरी)

कु. डॉली गुप्ता – कोल्हापूरच्या राधिका ढेरेविरुद्ध पहिल्या फेरीत पराभव; रीपॅचमध्ये रायगडच्या वैष्णवी कुंभारवर १०-० अशा फरकाने विजय; कांस्य पदकासाठी नाशिकच्या संस्कृती शिरसाटला चितपट करत कांस्य पदक पटकावले.

 

शिक्षण आणि सरावाचा उत्तम संगम

कु. डॉली गुप्ता सध्या बाल-भारती का. एम. जे. पंचोलिया कॉलेज ऑफ कॉमर्स, कांदिवली (पश्चिम) येथे वाणिज्य शाखेच्या प्रथम वर्षात शिक्षण घेत आहे. शिक्षणासोबतच ती सातत्याने कुस्तीचा सराव करत आहे.

 

मार्गदर्शनाची भक्कम साथ

डॉलीच्या या यशामागे श्री गणेश आखाड्याचे सर्वेसर्वा श्री. वसंतराव पाटील आणि एन.आय.एस. कुस्ती प्रशिक्षक पै. वैभव माने यांचे मोलाचे मार्गदर्शन आहे. त्यांच्या प्रशिक्षणातूनच डॉलीची कामगिरी अधिक उजळत आहे.

 

जिद्द, चिकाटी आणि आक्रमक खेळाचा उत्कृष्ट संगम दाखवत डॉली गुप्ताने मिळवलेले हे कांस्य पदक आगामी मोठ्या यशाची नांदी ठरत आहे!