बोरीवलीत रंगणार राज्यस्तरीय शालेय मल्लखांब स्पर्धा
२०२४-२५
मुंबई : क्रीडा व युवक सेवा संचालनालय पुणे,
जिल्हा क्रीडा परिषद, जिल्हा क्रीडाधिकारी कार्यालय मुंबई उपनगर,
मुंबई उपनगर जिल्हा मल्लखांब संघटना आणि बिमानगर एज्युकेशन
सोसायटी यांच्या संयुक्त विद्यमाने राज्यस्तरीय शालेय मल्लखांब स्पर्धा येत्या २८
आणि २९ नोव्हेंबर २०२४ रोजी बिमानगर एज्युकेशन सोसायटी शाळा,
एलआयसी कॉलनी, शांती आश्रम बस डेपो समोर, बोरीवली (पश्चिम), मुंबई ४००१०३ येथे आयोजित करण्यात आली आहे.
या स्पर्धेत मुंबई, पुणे, नाशिक, छत्रपती संभाजी नगर, कोल्हापूर, लातूर, अमरावती आणि नागपूर या ८ विभागातून एकूण १९२ खेळाडू,
१६ मार्गदर्शक, व्यवस्थापक, ३० पंच व अधिकारी आणि २५ स्वयंसेवक सहभागी होणार आहेत. या
स्पर्धेच्या यशस्वी आयोजनासाठी जिल्हा क्रीडाधिकारी कार्यालय,
मुंबई उपनगर आणि मुंबई उपनगर जिल्हा मल्लखांब संघटना
यांच्या माध्यमातून, जिल्हाधिकारी मुंबई उपनगर आणि क्रीडा व युवक सेवा मुंबई विभाग यांच्या
मार्गदर्शनाखाली तयारी सुरू आहे.
राज्यस्तरीय शालेय मल्लखांब स्पर्धेचे आयोजन प्रथमच मुंबई
उपनगर जिल्ह्यात करण्यात येत आहे, त्यामुळे राज्यभरातील विविध भागांतून येणाऱ्या खेळाडूंचे
कौशल्य आणि कसब पाहण्याची संधी मुंबईतील क्रीडा प्रेमींना मिळणार आहे. या
स्पर्धेतील खेळ पाहण्यासाठी मोठ्या संख्येने खेळाडू, पालक, प्रशिक्षक आणि क्रीडा प्रेमी नागरिकांनी उपस्थित राहावे,
असे आवाहन जिल्हा क्रीडाधिकारी आणि मुंबई उपनगर जिल्हा
मल्लखांब संघटना यांनी केले आहे.
Post a Comment
0 Comments