जामनेरमध्ये होणार ऐतिहासिक आंतरराष्ट्रीय कुस्ती दंगल! फ्रान्स, मोल्दोवा, उझबेकिस्तान, रोमानिया आणि एस्टोनियाचे पैलवान रंगतदार कुस्तीत उतरणार

 

जामनेरमध्ये होणार ऐतिहासिक आंतरराष्ट्रीय कुस्ती दंगल!

 

फ्रान्स, मोल्दोवा, उझबेकिस्तान, रोमानिया आणि एस्टोनियाचे पैलवान रंगतदार कुस्तीत उतरणार

 

मुंबई, दि. ४: जळगाव जिल्ह्यातील जामनेर गाव पुन्हा एकदा इतिहास रचण्यासाठी सज्ज झाले आहे! येत्या १६ फेब्रुवारीला ‘नमो कुस्ती महाकुंभ-२’ सोबत ‘देवाभाऊ केसरी’ या आंतरराष्ट्रीय स्तरावरील भव्य कुस्ती दंगल जामनेरच्या भूमीवर खेळवली जाणार आहे.

 

🔸 भारतीय महिला कुस्तीला प्रोत्साहन देण्याचे प्रमुख उद्दिष्ट!
‘शरीर तंदुरुस्त, खेळच सर्वोत्तम’ हा संदेश देत, या ऐतिहासिक कुस्ती दंगलीत भारतीय आणि आंतरराष्ट्रीय स्तरावरील नामवंत पैलवान सहभागी होणार आहेत.

 

🌍 सहभागी देश व कुस्तीपटूंचा ताफा:

या थरारक कुस्ती दंगलीत हिंदुस्थानसह फ्रान्स, मोल्दोवा, उझबेकिस्तान, रोमानिया आणि एस्टोनिया या देशांचे जागतिक विजेते, ऑलिंपियन, हिंद केसरी, रुस्तुम-ए-हिंद, भारत केसरी, महाराष्ट्र केसरी आणि उप-महाराष्ट्र केसरी स्पर्धक मैदानात उतरणार आहेत.

 

🏅 महाराष्ट्राच्या मातीत कुस्तीचा जागतिक थरार!

महाराष्ट्रातील मातीतील कुस्तीला नवसंजीवनी देण्यासाठी या दंगलीचे आयोजन महत्त्वपूर्ण ठरणार आहे.

 

📢 मंत्री गिरीश महाजन यांची महत्त्वपूर्ण घोषणा!

महाराष्ट्राचे जलसंपदा मंत्री गिरीश महाजन यांनी या स्पर्धेचे प्रमुख आयोजक म्हणून सांगितले की,
➡️ "संपूर्ण महाराष्ट्रात या भव्य आयोजनाबद्दल प्रचंड उत्सुकता आणि उत्साह आहे. जामनेर हे गाव या कुस्ती महादंगलमुळे जागतिक कुस्ती नकाशावर झळकणार आहे!"
➡️ "या निमित्ताने उत्तर महाराष्ट्रात एक आंतरराष्ट्रीय दर्जाचे क्रीडा संकुल उभारण्याची घोषणा केली जाणार आहे, जे सर्वसामान्य घरातील खेळाडूंना जागतिक दर्जाच्या सुविधा पुरवेल."

 

🔥 कुस्तीप्रेमींसाठी पर्वणीचा क्षण!

📅 १६ फेब्रुवारी रोजी सकाळी ११:०० वाजता सुरू होणारी ‘नमो कुस्ती महाकुंभ’ स्पर्धा थरारक लढतींसह रात्री ८ वाजेपर्यंत रंगणार आहे.

 

💥 जागतिक दर्जाच्या कुस्तीपटूंना एकाच मंचावर पाहण्याची ही सुवर्णसंधी असणार आहे.

 

📢 मंत्री गिरीश महाजन यांनी क्रीडाप्रेमींना आवाहन केले आहे की, या ऐतिहासिक कुस्ती दंगलीचा साक्षीदार होण्यासाठी मोठ्या संख्येने उपस्थित राहा! 💪🔥