२० वी राज्य अजिंक्यपद ट्रम्पोलीन टमब्लिंग जिम्नास्टिक्स स्पर्धा वडाळ्यात दणक्यात संपन्न ठाण्याच्या दक्ष पाटील, राही पाखले आणि मानस घोडेकर यांची आकाश झेप, सुवर्ण पदकांवर ठसा! रायगडच्या रुजूल घोडकेचीही सुवर्ण भरारी उत्साह, उंच झेप आणि राज्यभरातील जल्लोष

 

२० वी राज्य अजिंक्यपद ट्रम्पोलीन टमब्लिंग जिम्नास्टिक्स स्पर्धा वडाळ्यात दणक्यात संपन्न

ठाण्याच्या दक्ष पाटील, राही पाखले आणि मानस घोडेकर यांची आकाश झेप, सुवर्ण पदकांवर ठसा!

रायगडच्या रुजूल घोडकेचीही सुवर्ण भरारी

उत्साह, उंच झेप आणि राज्यभरातील जल्लोष

 

मुंबई : वडाळ्यातील भारतीय क्रीडा मंदिरात अक्षरशः क्रीडाउत्सव रंगला आणि ट्रम्पोलीनवरील प्रत्येक झेपेसह प्रेक्षकांनी टाळ्यांचा कडकडाट केला! २० वी राज्य अजिंक्यपद ट्रम्पोलीन टमब्लिंग जिम्नास्टिक्स स्पर्धा उत्साही वातावरणात पार पडली आणि राज्यातील अव्वल जिम्नास्ट्सनी आपल्या अचूक संतुलन, वेग आणि कौशल्याची चमक दाखवत पदकांवर ठसा उमटवला.

 

१९ जिल्ह्यांचा सहभाग, २५० पेक्षा अधिक खेळाडूंची दमदार हजेरी

मुंबई शारीरिक शिक्षण मंडळाच्या भारतीय क्रीडा मंदिरात पार पडलेल्या या स्पर्धेत राज्यातील १९ जिल्ह्यांतील २५० पेक्षा अधिक पुरुष व महिला खेळाडूंनी सहभाग नोंदवला. सिनियर, ज्युनियर, सब ज्युनियर आणि मिनी गटातील विविध स्पर्धा रंगल्या. स्पर्धेचे आयोजन मुंबई शहर जिल्हा जिम्नास्टिक्स असोसिएशन, मुंबई शारीरिक शिक्षण मंडळ आणि त्यांच्या शारीरिक शिक्षण महाविद्यालयाने संयुक्तपणे केले.

 

ठाणेकरांची सुवर्णकामगिरी

सिनियर गटात ठाणे जिल्ह्याच्या खेळाडूंनी अक्षरशः वर्चस्व गाजवले. दक्ष पाटील, राही पाखले आणि मानस घोडेकर यांनी प्रत्येकी सुवर्ण झेप घेत तीन सुवर्ण पदके जिंकत ठाण्याचा दबदबा सिद्ध केला, तर चौथे सुवर्ण पदक रायगडच्या रुजूल घोडके हिने आपल्या अचूक कामगिरीच्या जोरावर पटकावले.

 

स्पर्धेचे निकाल

ट्रम्पोलीन – सिनियर गट (पुरुष)

सांघिक : प्रथम- ठाणे, द्वितीय- क्रीडा प्रबोधिनी पुणे, तृतीय- परभणी
सर्वांगीण : प्रथम- दक्ष पाटील (ठाणे), द्वितीय- अभिषेक शिंदे (क्रीडा प्रबोधिनी, पुणे), तृतीय- अजय पहुरकर (संभाजी नगर)

 

ट्रम्पोलीन – सिनियर गट (महिला)

सर्वांगीण : प्रथम- राही पाखले (ठाणे), द्वितीय- माऊली बहल (ठाणे), तृतीय- सई दळवी (मुंबई शहर)

सांघिक : प्रथम- ठाणे, द्वितीय- परभणी, तृतीय- जळगाव

 

टमब्लिंग – पुरुष

सर्वांगीण : प्रथम- मानस घोडेकर (ठाणे), द्वितीय- जुनेद शेख (परभणी), तृतीय- कैवल्य पुजारी (नांदेड)

सांघिक : प्रथम- परभणी, द्वितीय- ठाणे, तृतीय- नांदेड

 

टमब्लिंग – महिला

सर्वांगीण : प्रथम- रुजूल घोडके (रायगड), द्वितीय- सौख्या घेवारे (पुणे), तृतीय- कृत्तिका नरवडे (नांदेड)

 

ठाणे, संभाजीनगर, मुंबई, रायगड, परभणी, नांदेडचा दबदबा

या राज्यस्तरीय स्पर्धेत ठाणे, संभाजीनगर, मुंबई शहर, रायगड, परभणी आणि नांदेड जिल्ह्यांच्या खेळाडूंचे वर्चस्व स्पष्टपणे दिसून आले. प्रत्येक गटात तांत्रिक अचूकता आणि सर्जनशील सादरीकरण यांची सुरेख सांगड पाहायला मिळाली.

 

मान्यवरांच्या उपस्थितीत उद्घाटन व गौरव : संघटित आयोजन, शिस्तबद्ध संचालन

स्पर्धेचे आयोजन मुंबई शहर जिल्हा जिम्नास्टिक्स असोसिएशन, मुंबई शारीरिक शिक्षण मंडळ आणि त्यांच्या शारीरिक शिक्षण महाविद्यालयाने संयुक्तपणे केले. महाराष्ट्र हौशी जिम्नास्टिक्स संघटनेचे अध्यक्ष संजय शेटे यांच्या मार्गदर्शनाखाली राष्ट्रीय व आंतरराष्ट्रीय पंच आणि प्रशिक्षकांनी स्पर्धेचे शिस्तबद्ध संचालन केले. उद्घाटन महाराष्ट्र ऑलिंपिक असोसिएशनचे महासचिव संजय शेटे यांच्या हस्ते झाले; यावेळी आशिष सावंत आणि डॉ. जी. ढोकरट उपस्थित होते. बक्षीस वितरण इंद्रजितसिंग राठोड, डॉ. मकरंद जोशी, डॉ. डी. डी. शिंदे, डॉ. राजेंद्र शेळके, अजय मापुस्कर, तसेच शिवछत्रपती पुरस्कार विजेते पवन भोईर आणि अजित शिंदे यांच्या हस्ते झाले.

 

राष्ट्रीय-आंतरराष्ट्रीय पंचांच्या मार्गदर्शनाखाली शिस्तबद्ध स्पर्धा

महाराष्ट्र हौशी जिम्नास्टिक्स संघटनेचे अध्यक्ष संजय शेटे यांच्या मार्गदर्शनाखाली राज्यातील राष्ट्रीय व आंतरराष्ट्रीय पंच आणि प्रशिक्षकांनी स्पर्धेचे शिस्तबद्ध संचालन केले. तांत्रिक अचूकता, निष्पक्ष निर्णय आणि संघटनात्मक तयारी यामुळे स्पर्धा उच्च दर्जाची ठरली.