मुंबई सिटी डिस्ट्रिक्ट जिमनॅस्टिक असोसिएशनची पंचवार्षिक निवडणूक बिनविरोध नव्या कार्यकारिणीकडून विकासाचा दमदार संकल्प! २०२६ – २०३१ कार्यकाळासाठी एकमताने निवड जिमनॅस्टिकच्या प्रगतीसाठी सर्वसमावेशक आराखडा जाहीर एकमताने निवड, जिमनॅस्टिकला नवी ऊर्जा!

 

मुंबई सिटी डिस्ट्रिक्ट जिमनॅस्टिक असोसिएशनची पंचवार्षिक निवडणूक बिनविरोध

नव्या कार्यकारिणीकडून विकासाचा दमदार संकल्प!

२०२६ – २०३१ कार्यकाळासाठी एकमताने निवड जिमनॅस्टिकच्या प्रगतीसाठी सर्वसमावेशक आराखडा जाहीर

एकमताने निवड, जिमनॅस्टिकला नवी ऊर्जा!

 

मुंबई : मुंबईतील जिमनॅस्टिक विश्वासाठी अभिमानाचा आणि ऐतिहासिक क्षण ठरलेली मुंबई सिटी डिस्ट्रिक्ट जिमनॅस्टिक असोसिएशनची पंचवार्षिक निवडणूक २०२६ – २०३१ कालावधीसाठी बिनविरोध पार पडली! वडाळा येथील मुंबई शारीरिक शिक्षण मंडळाच्या शारीरिक शिक्षण महाविद्यालयात पार पडलेल्या या प्रक्रियेत सर्व पदाधिकारी एकमताने निवडले गेले. एकसंघता, विश्वास आणि विकासाची दिशा दर्शवणारा हा निर्णय जिमनॅस्टिक क्षेत्रासाठी नव्या पर्वाची सुरुवात मानला जात आहे.

 

पारदर्शक निवड प्रक्रिया

या निवडणुकीत राजेश चारी यांनी निवडणूक अधिकारी म्हणून जबाबदारी पार पाडली, तर आशिष सावंत (खजिनदार – महाराष्ट्र हौशी जिमनॅस्टिक संघटना) यांनी निरीक्षक म्हणून उपस्थित राहून संपूर्ण प्रक्रिया पारदर्शकपणे पार पडल्याची नोंद केली. निवडणूक शांततेत, शिस्तीत आणि बिनविरोध पार पडल्याने सदस्यांमध्ये समाधानाचे वातावरण होते.

 

२०२६ – २०३१ नवी कार्यकारिणी जाहीर

मुंबई सिटी डिस्ट्रिक्ट जिमनॅस्टिक असोसिएशनची २०२६ – २०३१ या कालावधीसाठीची नवी कार्यकारिणी पुढीलप्रमाणे :

अध्यक्ष : संजय शेटे

उपाध्यक्ष : वर्षा उपाध्ये, अजय मापुस्कर, तन्वी जिंदाल शेटे

सचिव : डॉ. राजेंद्र नाना शेळके

उपसचिव : देवेंद्र पाटील, सोनाली सावंत, प्रकाश जावळे

खजिनदार : डॉ. दादासाहेब शिंदे

सभासद : राजेंद्र ढाकणे, अक्षता शेटे जाधव, फिरोज बेळगावकर, गणेश चाळके, सिद्धेश मांजरेकर, प्रेमानंद नाईक, रविंद्र विसपुते, आकाश डोंगरे, प्रशांत गायकवाड, संदीप चव्हाण

 

सर्व पदाधिकाऱ्यांची निवड एकमताने झाल्याने संघटनेतील ऐक्य आणि विश्वास अधोरेखित झाला.

 

विकासाचा व्यापक आराखडा

नव्या कार्यकारिणीने आगामी ५ वर्षांत मुंबई शहरातील जिमनॅस्टिक खेळाच्या सर्वांगीण विकासासाठी विविध उपक्रम राबवण्याचा संकल्प व्यक्त केला. अधिकाधिक स्पर्धांचे आयोजन, गुणवत्तापूर्ण प्रशिक्षण शिबिरे, युवा खेळाडूंना प्रोत्साहन, प्रशिक्षकांसाठी कार्यशाळा आणि आंतरराष्ट्रीय दर्जाच्या संधी उपलब्ध करून देण्याचा निर्धार व्यक्त करण्यात आला.

 

अभिनंदन व शुभेच्छांचा वर्षाव

निवडीनंतर उपस्थित सदस्यांनी नव्या पदाधिकाऱ्यांचे अभिनंदन करून पुढील कार्यकाळासाठी शुभेच्छा दिल्या. जिमनॅस्टिक क्षेत्रात नवे मानदंड प्रस्थापित करत मुंबईला राष्ट्रीय स्तरावर अग्रस्थानी नेण्याची अपेक्षा व्यक्त करण्यात आली.

 

मुंबई सिटी डिस्ट्रिक्ट जिमनॅस्टिक असोसिएशनची ही बिनविरोध निवड केवळ संघटनात्मक यश नसून, जिमनॅस्टिक खेळाच्या उज्ज्वल भवितव्याचा मजबूत पाया असल्याचे चित्र स्पष्ट झाले आहे.