आयुष तांडेल ‘ज्युनियर मुंबई श्री’चा मानकरी! मालाडमध्ये २५३ शरीरसौष्ठवपटूंचा पिळदार जल्लोष; दिव्यांग, मास्टर्स आणि मेन्स फिजिकमध्येही दिग्गजांची सरशी मुंबईकरांच्या स्नायूंनी लिहिला नवा इतिहास!

 

आयुष तांडेल ‘ज्युनियर मुंबई श्री’चा मानकरी!

मालाडमध्ये २५३ शरीरसौष्ठवपटूंचा पिळदार जल्लोष; दिव्यांग, मास्टर्स आणि मेन्स फिजिकमध्येही दिग्गजांची सरशी

मुंबईकरांच्या स्नायूंनी लिहिला नवा इतिहास!

मुंबई : मालाड पूर्वेच्या दीनदयाळ उपाध्याय मैदानावर तब्बल २५३ शरीरसौष्ठवपटूंनी पीळदार स्नायूंचा महासंग्राम रंगवत मुंबईच्या शरीरसौष्ठव परंपरेला नवे शिखर गाठून दिले! हजारो क्रीडाप्रेमींच्या कडकडाटात आयुष तांडेल याने ‘ज्युनियर मुंबई श्री’चा बहुमान पटकावत आपले नाव सुवर्णाक्षरांनी कोरले. दिव्यांग गटात मेहबूब शेख, मेन्स फिजिकमध्ये मंथन पाटील, तर मास्टर्स गटात अरुण पाटील, जगदीश कावणकर आणि सुनील राऊत यांनी अव्वल यश संपादन करत मैदान दणाणून सोडले!

 

ज्युनियर मुंबई श्री – आयुषचा विजयी डंका

शरीरसौष्ठवाचा मजबूत पाया मानल्या जाणाऱ्या ‘ज्युनियर मुंबई श्री’ स्पर्धेत अंतिम लढतीत आयुष तांडेल (परब फिटनेस) याने अर्पण सकपाळ, ऋषिकेश मेहेर आणि मंथन पाटील यांच्या कडव्या आव्हानावर मात करत किताब पटकावला. अंतिम फेरीतील त्याची आत्मविश्वासपूर्ण पोजिंग आणि संतुलित स्नायूंची बांधणी निर्णायक ठरली.

 

गटनिहाय विजेते – दमदार कामगिरीची सलग नोंद

५५ किलो : सिद्धांत लाड (परब फिटनेस), समीर बईकर (बीएसएन जिम), प्रणव पवार (बालमित्र व्यायाम शाळा), रमण राठोड (बोवलेकर जिम), साई कुमार कोजीगी (विराज फिटनेस)

 

६० किलो : तेजस शेडगे (बॉडी वर्कशॉप), जय पाटील (शिव सम्राट व्यायाम शाळा), रोहन भोसले (बी फिटनेस), दिनेश विश्वकर्मा (मालाड व्यायाम शाळा), अविनाश गोरीवले (स्लिम अँड टोन)

 

६५ किलो : मंथन पाटील (बॉडी वर्कशॉप), सुमित श्रीवास्तव (परब फिटनेस), करण सावंत (शिवाजी जिम), अनमोल उभारे (परब फिटनेस), तेजस टाक (पोश्चर फिटनेस)

 

७० किलो : अर्पण सकपाळ (परब फिटनेस), श्रीतेज जाधव (माँसाहेब जिम), भावेश ढगे (बॉडी वर्कशॉप), करण पटेल (शिवशक्ती जिम), सुरज यादव (शिवाजी जिम)

 

७५ किलो : ऋषिकेश मेहेर (आर्यन पॅराडाईज), दरीस डाबरे (शोएब फिटनेस), चिराग निवेदे (परब फिटनेस), निरंजन यादव (विराज फिटनेस), रोहित यादव (जय हनुमान व्यायाम शाळा)

 

७५ किलोवरील : आयुष तांडेल (परब फिटनेस), जीवन सकपाळ (बालमित्र जिम), अर्णव सकपाळ (परब फिटनेस), रियान कोळी (श्री गुरुदत्त जिम), करण शिरकर (जय भवानी व्यायाम शाळा)

 

दिव्यांग मुंबई श्री – मेहबूब शेखचा दिमाख

दिव्यांग गटात मेहबूब शेख (आयकॉन फिटनेस) याने प्रभावी सादरीकरण करत किताब पटकावला. त्याच्यासोबत सुधीर मानकर, आकाश शेजवळ, निलेश भंडारी आणि सूर्यकांत दुर्गाविले यांनीही उल्लेखनीय कामगिरी केली.

 

मास्टर्स मुंबई श्री – अनुभवींचा अभिमान

४० ते ५० वर्षे : अरुण पाटील (सालम जिम), उदय गुजर, कु. कोइरामा, कार्तिक मंडळ, अमित दास

 

५० ते ६० वर्षे : जगदीश कावणकर (मारुती जिम), मंगेश भोगले, कमलेश मंगे, राजेश कडवेल, दत्तात्रय पोखरकर

 

६० वर्षे वरील : सुनील राऊत (नवमहाराष्ट्र जिम), विष्णू देशमुख, प्रकाश कासले, अनिल जैतापकर

स्पर्धेत अनुभव, शिस्त आणि सातत्याचा उत्तम संगम या गटात पाहायला मिळाला.

 

ज्युनियर मुंबई मेन्स फिजिक – मंथनचा जलवा

मेन्स फिजिक प्रकारात मंथन पाटील (बॉडी वर्कशॉप) विजेता ठरला. त्याच्यासोबत श्रीतेज जाधव, अनिल राजे, संकेत पवार आणि रोशन भोसले यांनीही आकर्षक सादरीकरण केले.

 

लहानग्याची कमाल – ६ वर्षांच्या रचितची दाद

अवघ्या ६ वर्षांच्या रचित उमेश पांचाळ या छोट्या शरीरसौष्ठवपटूने आपल्या लाजवाब पोजिंगने उपस्थितांना मंत्रमुग्ध केले.

 

दिग्गजांच्या उपस्थितीत दिमाखदार समारोप

आमदार अतुल भातखळकर, नगरसेवक अजित रावराणे, ऍड. सिद्धांत शर्मा, अमोल कीर्तिकर, विजय भोसले, तसेच जय भवानी व्यायाम मंदिर ट्रस्टचे मान्यवर आणि शरीरसौष्ठव संघटनेचे अध्यक्ष अजय खानविलकर, राजेश सावंत, किट्टी फणसेका, विशाल परब, सुनील शेगडे यांच्यासह अनेक मान्यवरांच्या उपस्थितीत पारितोषिक वितरण सोहळा पार पडला.

 

मुंबईची नवी स्नायूशक्ती सज्ज!

‘ज्युनियर मुंबई श्री’ने पुन्हा एकदा सिद्ध केले की मुंबई ही शरीरसौष्ठवाची खरी ताकद आहे. नव्या दमाचे खेळाडू, अनुभवींचा आशीर्वाद आणि हजारो प्रेक्षकांचा उत्साह – या त्रिवेणी संगमातून मुंबईचे भवितव्य अधिक बळकट झाले आहे!