मनोज रामचंद्र स्मृती राज्यस्तरीय बॅडमिंटन स्पर्धा २६
मार्चपासून
नॉर्थ इंडियन असोसिएशन व पदुकोण शटलर्स अकादमीचा संयुक्त
उपक्रम
राज्यभरातील अव्वल शटलर्सचा सहभाग अपेक्षित
मुंबई : मुंबईत बॅडमिंटनचा जल्लोष रंगणार असून नॉर्थ इंडियन असोसिएशन आणि पदुकोण शटलर्स अकादमी, मुंबई यांच्या संयुक्त विद्यमाने, ग्रेटर मुंबई बॅडमिंटन असोसिएशन व महाराष्ट्र बॅडमिंटन असोसिएशन यांच्या मान्यतेखाली ‘योनेक्स सनराइज मनोज रामचंद्रन स्मृती
राज्यस्तरीय खुली बॅडमिंटन स्पर्धा २०२६’चे आयोजन करण्यात आले आहे. ही प्रतिष्ठेची
स्पर्धा २६ ते २९ मार्च २०२६ दरम्यान रंगणार असून राज्यभरातील नामांकित खेळाडूंचा
सहभाग अपेक्षित आहे.
दोन प्रमुख कोर्टवर रंगणार सामने
ही स्पर्धा नॉर्थ इंडियन असोसिएशन आणि माटुंगा जिमखानाच्या कोर्टवर खेळविण्यात येणार आहे. उत्कृष्ट सुविधा आणि दर्जेदार कोर्ट्समुळे
खेळाडूंना सर्वोत्तम वातावरणात आपली कला सादर करण्याची संधी मिळणार आहे.
विविध गटांमध्ये चुरस
स्पर्धा पुढील गटांमध्ये होणार आहे: पुरुष एकेरी, महिला
एकेरी, १५ वर्षांखालील मुले एकेरी, १५ वर्षांखालील मुली एकेरी.
१५ वर्षांखालील गटासाठी १ जानेवारी २०१२ रोजी किंवा
त्यानंतर जन्मलेले खेळाडू पात्र असतील. त्यामुळे उदयोन्मुख प्रतिभांना
राज्यस्तरावर चमक दाखविण्याची सुवर्णसंधी उपलब्ध झाली आहे.
प्रवेशिकांसाठी २० मार्च अंतिम मुदत
स्पर्धेसाठी प्रवेशिका सादर करण्याची अंतिम तारीख २० मार्च
२०२६ असून, प्रत्येक
गटासाठी प्रवेश शुल्क १,००० रुपये निश्चित करण्यात आले आहे. प्रवेशिका केवळ अधिकृत संकेतस्थळ
www.mbasso.in द्वारेच स्वीकारल्या जाणार आहेत.
अधिक माहितीसाठी संपर्क
स्पर्धेबाबत अधिक माहिती हवी असल्यास संघटन सचिव
जितेश पदुकोण
यांच्याशी ९८२१० ५१७९० या क्रमांकावर संपर्क साधावा,
असे आयोजकांनी कळविले आहे. राज्यस्तरीय स्पर्धेच्या
माध्यमातून नवोदित तसेच अनुभवी खेळाडूंना आपल्या कौशल्याची छाप पाडण्याची संधी
मिळणार असून, मार्चअखेर
मुंबईत बॅडमिंटनप्रेमींसाठी क्रीडामहोत्सव रंगणार आहे.
Post a Comment
0 Comments