एमसीसी ब्ल्यूचा पहिल्या डावातील आघाडीवर विजय
प्रो-४० लीगमध्ये दमदार कामगिरी!
झैद मुफ्ती, शौर्य वीर नगरची फलंदाजी झळकली
निशार्ग चौधरीचा १० विकेट्सचा भेदक मारा चर्चेत
मुंबई :चौकार-षटकारांचा
जल्लोष,
गोलंदाजांचा अचूक मारा आणि रणनीतीपूर्ण खेळ यांचा संगम
पाहायला मिळालेल्या एमसीसी प्रो-४० क्रिकेट लीग २०२६ स्पर्धेत एमसीसी ब्ल्यू संघाने पहिल्या डावातील भक्कम आघाडीच्या जोरावर
ज्वाला स्पोर्ट्स फाउंडेशन
(जेएसएफ) संघावर मात करत दमदार विजय नोंदवला. एलिट गटातील या सामन्यात दोन्ही संघांनी
जोरदार लढत दिली, मात्र पहिल्या डावातील ८९ धावांची आघाडी निर्णायक ठरली.
पहिल्या डावात झैद मुफ्ती-शौर्य वीर नगरची धमाकेदार खेळी :
नाणेफेक जिंकून प्रथम फलंदाजी करताना एमसीसी ब्ल्यू संघाने ४७ षटकांत २३९ धावा उभारल्या. या डावात झैद मुफ्ती (८७ धावा, ७३ चेंडू) आणि शौर्य वीर नगर (६१ धावा,
९२ चेंडू)
यांनी उत्कृष्ट फलंदाजी करत संघाला मजबूत स्थितीत पोहोचवले.
त्यांच्या संयमी आणि आक्रमक खेळीमुळे डावाला भक्कम पाया मिळाला.
निशार्ग चौधरीचा भेदक मारा;
जेएसएफला जोरदार धक्का
:
जेएसएफकडून निशार्ग चौधरी (५/४५) आणि देव जम्मुला (३/५१) यांनी प्रभावी गोलंदाजी करत एमसीसी ब्ल्यूला रोखण्याचा
प्रयत्न केला. मात्र त्यानंतर हर्षल वाघमारे (४/३०), हृद्या (२/१९) आणि अफसर अहमद (२/३७) यांच्या अचूक माऱ्यासमोर जेएसएफचा पहिला डाव
४०.३ षटकांत १५० धावांवर
आटोपला. जेएसएफकडून मुहम्मद इब्राहिम (५५ धावा,
८८ चेंडू)
आणि देव जम्मुला (२७ धावा, २७ चेंडू) यांनी प्रतिकार केला, पण तो अपुरा ठरला.
दुसऱ्या डावात आक्रमक फलंदाजी;
सामना रंगला रोमांचक :
दुसऱ्या डावात एमसीसी ब्ल्यू संघाने ३० षटकांत ७ बाद १९८ धावा करत आघाडी अधिक मजबूत केली. दियान कुबाडिया (५० धावा,
४६ चेंडू)
आणि डॅलरॉन रॉड्रिग्ज (४३ धावा,
३४ चेंडू)
यांनी आक्रमक खेळी करत प्रेक्षकांची मने जिंकली. पुन्हा
एकदा निशार्ग
चौधरी (५/४९) याने प्रभावी गोलंदाजी करत आपली छाप पाडली.
निशार्ग चौधरी सामनावीर;
१० विकेट्सची किमया :
संपूर्ण सामन्यात भेदक गोलंदाजी करत १० विकेट्स टिपणाऱ्या निशार्ग चौधरी याला सामनावीर म्हणून गौरविण्यात आले. त्याच्या अष्टपैलू कामगिरीमुळे
सामना रंगतदार झाला, मात्र पहिल्या डावातील आघाडीमुळे एमसीसी ब्ल्यू संघ विजयी ठरला.
Post a Comment
0 Comments