राज्य अजिंक्यपद कॅरम स्पर्धेचा थरार! प्रशांत - समृद्धीला अव्वल मानांकन नवी मुंबईत १३ ते १६ एप्रिलदरम्यान रंगणार ६० वी राज्य अजिंक्यपद स्पर्धा ४८६ खेळाडूंचा सहभाग कॅरमपटूंचा महासंग्राम सज्ज!

राज्य अजिंक्यपद कॅरम स्पर्धेचा थरार!

प्रशांत - समृद्धीला अव्वल मानांकन

नवी मुंबईत १३ ते १६ एप्रिलदरम्यान रंगणार ६० वी राज्य अजिंक्यपद स्पर्धा

४८६ खेळाडूंचा सहभाग

कॅरमपटूंचा महासंग्राम सज्ज!

 

नवी मुंबईत कॅरमचा थरार उफाळून येणार असून ६० वी सिनियर महाराष्ट्र राज्य अजिंक्यपद कॅरम स्पर्धा २०२६-२०२७ ही १३ ते १६ एप्रिल दरम्यान वाशी येथील नवी मुंबई स्पोर्ट्स असोसिएशनमध्ये रंगणार आहे. तब्बल ४८६ खेळाडूंचा सहभाग असलेली ही स्पर्धा राज्यातील सर्वोत्तम कॅरमपटूंना एकाच व्यासपीठावर आणणार असून, प्रेक्षकांना उच्च दर्जाच्या खेळाचा अनुभव देणार आहे.

 

प्रशांत मोरे – समृद्धी घाडीगावकर अव्वल दावेदार

पुरुष एकेरी गटात मुंबईचा विश्वविजेता प्रशांत मोरे याला प्रथम मानांकन देण्यात आले आहे, तर महिला एकेरी गटात ठाण्याची स्टार खेळाडू समृद्धी घाडीगावकर अव्वल मानांकित ठरली आहे. त्यांच्या खेळाकडे सर्वांचे लक्ष लागले असून विजेतेपदासाठी ते प्रबळ दावेदार मानले जात आहेत.

 

स्पर्धेचे भव्य उद्घाटन व थेट प्रक्षेपणाची सोय

१३ एप्रिल २०२६ रोजी सकाळी ९ वाजता माननीय गणेश नाईक यांच्या हस्ते स्पर्धेचे उद्घाटन होणार आहे. त्यानंतर पुरुष व महिला सांघिक गट तसेच पुरुष वयस्कर एकेरी गटातील सामने रंगणार आहेत. महाराष्ट्र कॅरम असोसिएशनच्या युट्युब चॅनेलवरून स्पर्धेचे थेट प्रक्षेपण होणार असून, किशोर वागळे यांच्या मराठी, हिंदी आणि इंग्रजीतील समालोचनामुळे प्रेक्षकांचा उत्साह द्विगुणित होणार आहे.

 

मान्यवरांची उपस्थिती व उत्कृष्ट आयोजन

या स्पर्धेला नवी मुंबई स्पोर्ट्स असोसिएशनचे उपाध्यक्ष विजय एस. पाटील, राज्य कॅरम असोसिएशनचे अध्यक्ष जितेंद्र शाह व कार्याध्यक्ष भारत देसडला उपस्थित राहणार आहेत. स्पर्धेच्या यशस्वी आयोजनासाठी सचिव विजय आर. पाटील यांनी विशेष प्रयत्न केले आहेत.

 

२ लाखांची पारितोषिके; आंतरराष्ट्रीय पंचांची साथ

विजेत्यांना एकूण २ लाख रुपयांची रोख पारितोषिके व चषक देण्यात येणार आहेत. आंतरराष्ट्रीय पंच केतन चिखले व आशिष बागकर प्रमुख पंच म्हणून काम पाहणार असून, तांत्रिक संचालक म्हणून अजित सावंत यांची नियुक्ती करण्यात आली आहे. स्पर्धेसाठी ३२ बुलेट शॉट कॅरम बोर्ड व उत्कृष्ट सोंगट्यांचा वापर करण्यात येणार आहे.

 

मानांकनात दिग्गजांची उपस्थिती

पुरुष एकेरी मानांकन :

१) प्रशांत मोरे (मुंबई), २) झैद अहमद फारुकी (ठाणे), ३) सागर वाघमारे (पुणे), ४) महम्मद घुफ्रान (मुंबई), ५) अभिजित त्रिपनकर (पुणे), ६) विकास धारिया (मुंबई), ७) संदीप दिवे (जळगाव), ८) संजय मांडे (ठाणे)

 

महिला एकेरी मानांकन :

१) समृद्धी घाडीगावकर (ठाणे), २) आकांक्षा कदम (रत्नागिरी), ३) मिताली पाठक (मुंबई), ४) अंबिका हरिथ (मुंबई), ५) केशर निर्गुण (सिंधुदुर्ग), ६) रिंकी कुमारी (मुंबई), ७) सोनाली कुमारी (मुंबई), ८) प्राजक्ता नारायणकर (मुंबई उपनगर)

 

वयस्कर गटातही कडवी स्पर्धा

पुरुष वयस्कर एकेरी :

१) फय्याज शेख (पुणे), २) सत्यनारायण दोंतुल्ला (मुंबई), ३) हेमंत पांचाळ (मुंबई), ४) संजय थिटे (पुणे)

 

महिला वयस्कर एकेरी :

१) मिनल लेले खरे (ठाणे), २) शोभा कामात (कोल्हापूर), ३) रोझिना गोदाद (मुंबई), ४) माधुरी तायशेटे (मुंबई उपनगर)

 

सांघिक गटात मुंबई-पुणेची टक्कर

पुरुष सांघिक गट : १) मुंबई, २) पुणे, ३) ठाणे, ४) मुंबई उपनगर
महिला सांघिक गट : १) मुंबई, २) ठाणे, ३) पुणे, ४) पालघर

 

कॅरमप्रेमींसाठी ही स्पर्धा म्हणजे एक पर्वणीच ठरणार असून, राज्यातील सर्वोत्तम खेळाडूंच्या थरारक लढतींनी नवी मुंबई रंगून जाणार आहे!