'ए३ स्पोर्ट्स क्राफ्ट'ची भन्नाट इनोव्हेशन जुन्या क्रिकेट बॉल्सना मिळाले नवे आयुष्य! ५० ते ६० टक्के खर्चात बचत, पर्यावरण संरक्षणालाही मोठा हातभार; दिलीप वेंगसरकर, चंद्रकांत पंडित, साबा करीम यांच्यासह देशभरातील क्रिकेट वर्तुळाची पसंती

'ए३ स्पोर्ट्स क्राफ्ट'ची भन्नाट इनोव्हेशन

जुन्या क्रिकेट बॉल्सना मिळाले नवे आयुष्य!

५० ते ६० टक्के खर्चात बचत, पर्यावरण संरक्षणालाही मोठा हातभार; दिलीप वेंगसरकर, चंद्रकांत पंडित, साबा करीम यांच्यासह देशभरातील क्रिकेट वर्तुळाची पसंती

मुंबई : क्रिकेटच्या वाढत्या खर्चाला लगाम घालतानाच पर्यावरण संवर्धनाचा अनोखा आदर्श घालून देणारा मुंबईतील 'ए३ स्पोर्ट्स क्राफ्ट' (A3 Sports Craft) या कंपनीचा अभिनव उपक्रम सध्या भारतीय क्रिकेट विश्वात चर्चेचा विषय ठरत आहे. सरावानंतर निरुपयोगी ठरणारे महागडे क्रिकेट बॉल्स पुन्हा अत्याधुनिक तंत्रज्ञानाच्या साहाय्याने नव्यासारखे तयार करण्याची किमया 'ए३ रीक्राफ्टेड' (A3 Re-Crafted) या प्रकल्पाने साध्य केली असून, यामुळे क्रिकेट अकादमी, क्लब आणि संघटनांचे ५० ते ६० टक्क्यांपर्यंत खर्च वाचणार आहेत. क्रिकेट अधिक शाश्वत, स्मार्ट आणि किफायतशीर बनवणाऱ्या या संकल्पनेचे देशभरातून जोरदार स्वागत होत आहे.

 

जुन्या चेंडूंचा नवा जन्म; सरावासाठी पुन्हा 'मॅच बॉल'चा अनुभव

दररोज हजारो क्रिकेट बॉल्स सरावासाठी वापरले जातात आणि काही दिवसांतच ते निकामी होतात. हीच समस्या लक्षात घेऊन 'ए३ स्पोर्ट्स क्राफ्ट' ने वापरलेल्या चेंडूंवर विशेष तांत्रिक प्रक्रिया विकसित केली आहे. या प्रक्रियेत प्रथम Surface Restoration करून बाहेरील लेदर पुन्हा मजबूत केले जाते. त्यानंतर Core Stabilization द्वारे चेंडूचा आतील भाग, वजन आणि संतुलन पूर्ववत केले जाते. शेवटच्या Finishing प्रक्रियेत चेंडूचा गोल आकार आणि सीम पुन्हा तयार केली जाते. त्यामुळे गोलंदाज आणि फलंदाजांना सराव करताना नव्या मॅच बॉलसारखाच अनुभव मिळतो.

 

अकादमी आणि क्लबच्या बजेटला मोठा दिलासा

महागड्या क्रिकेट बॉल्सची वारंवार खरेदी ही आज प्रत्येक क्रिकेट अकादमी आणि क्लबसमोरील मोठी आर्थिक अडचण आहे. 'ए३ स्पोर्ट्स क्राफ्ट' च्या रीकंडिशनिंग मॉडेलमुळे क्रिकेट साहित्यावरील खर्चात ५० ते ६० टक्क्यांपर्यंत बचत होत आहे. कंपनीच्या मते, ही वाचणारी रक्कम तळागाळातील खेळाडूंच्या प्रशिक्षणासाठी, आधुनिक सुविधा उभारण्यासाठी आणि नव्या क्रिकेटपटूंना अधिक संधी उपलब्ध करून देण्यासाठी वापरता येऊ शकते. त्यामुळे हा उपक्रम केवळ आर्थिक बचतीपुरता मर्यादित नसून क्रिकेट विकासासाठीही महत्त्वाचा ठरत आहे.

 

पर्यावरणपूरक क्रिकेटची नवी दिशा

हा प्रकल्प केवळ खर्च कमी करणारा नाही, तर पर्यावरणासाठीही मोठा सकारात्मक बदल घडवणारा आहे. Circular Economy या संकल्पनेवर आधारित या उपक्रमामुळे वापरलेल्या क्रिकेट बॉल्सचा पुनर्वापर होतो, कचरा कमी होतो आणि नवीन उत्पादनाची गरज घटते. परिणामी Carbon Footprint कमी होण्यास मदत होते. सरावासाठी तयार करण्यात आलेले लाल आणि पांढरे रीकंडिशन केलेले बॉल्स क्रिकेट अधिक Sustainable बनवण्याच्या दिशेने महत्त्वाचे पाऊल मानले जात आहेत.

 

दिग्गज क्रिकेटपटू आणि संघटनांची उत्स्फूर्त दाद

भारताचे माजी कर्णधार दिलीप वेंगसरकर यांनी या उपक्रमाचे विशेष कौतुक करत क्रिकेट बॉल्सच्या पुनर्वापरामुळे होणाऱ्या आर्थिक बचतीचे स्वागत केले आहे. तसेच भारताचे माजी यष्टिरक्षक चंद्रकांत पंडित, साबा करीम, राष्ट्रीय निवड समितीचे माजी सदस्य सुरेंद्र भावे आणि माजी कसोटीपटू करसन घावरी यांनीही या संकल्पनेचे समर्थन करत आपल्या क्रिकेट क्लब, संघटना आणि अकादमींमध्ये या चेंडूंचा स्वीकार करण्यास सुरुवात केली आहे.

 

एमसीएसह अनेक राज्य संघटनांचा सकारात्मक प्रतिसाद

मुंबई क्रिकेट असोसिएशन (एमसीए) ने या अभिनव संकल्पनेचे कौतुक केले असून महाराष्ट्र क्रिकेट असोसिएशन, मध्य प्रदेश क्रिकेट असोसिएशन, सौराष्ट्र क्रिकेट असोसिएशन आणि विदर्भ क्रिकेट असोसिएशन यांनीही या प्रकल्पाला सकारात्मक प्रतिसाद दिला आहे. तळागाळातील क्रिकेट क्लब आणि अकादमींपर्यंत हा उपक्रम पोहोचल्यास भारतीय क्रिकेटमधील सराव पद्धती अधिक आधुनिक, किफायतशीर आणि पर्यावरणपूरक होईल, असा विश्वास 'ए३ स्पोर्ट्स क्राफ्ट' ने व्यक्त केला आहे.

 

भारतीय क्रिकेटसाठी गेम-चेंजर ठरण्याची क्षमता

क्रिकेट बॉल्सच्या सातत्याने वाढणाऱ्या किमती, पर्यावरण संरक्षणाची गरज आणि तळागाळातील क्रिकेटच्या विकासाची आवश्यकता या तिन्ही बाबी लक्षात घेता 'ए३ रीक्राफ्टेड' ही संकल्पना भारतीय क्रिकेटसाठी खऱ्या अर्थाने 'गेम-चेंजर' ठरू शकते. कमी खर्च, उच्च गुणवत्ता आणि पर्यावरणपूरक दृष्टीकोन यांचा मिलाफ साधणारा हा मुंबईतील उपक्रम आगामी काळात देशातील क्रिकेट प्रशिक्षण व्यवस्थेचा चेहरामोहरा बदलण्याची क्षमता बाळगून आहे.

 

यासाठी खालील पध्दतीने संपर्क करू शकता.

वेबसाइट: www.a3sportscraft.com
ई-मेल: a3sportscraft@gmail.com
मोबाईल: +९१ ९९३०८६७०७०