संजय सरदेसाई भारतीय पॉवरलिफ्टिंग संघाचे प्रशिक्षक! दक्षिण आफ्रिकेतील जागतिक ज्युनिअर-सब ज्युनिअर स्पर्धेसाठी महाराष्ट्राच्या अनुभवी मार्गदर्शकावर दुहेरी जबाबदारी; पंच म्हणूनही निवड महाराष्ट्राच्या शिरपेचात आणखी एक मानाचा तुरा

संजय सरदेसाई भारतीय पॉवरलिफ्टिंग संघाचे प्रशिक्षक!

दक्षिण आफ्रिकेतील जागतिक ज्युनिअर-सब ज्युनिअर स्पर्धेसाठी महाराष्ट्राच्या अनुभवी मार्गदर्शकावर दुहेरी जबाबदारी

पंच म्हणूनही निवड

महाराष्ट्राच्या शिरपेचात आणखी एक मानाचा तुरा

 

मुंबई : महाराष्ट्राच्या पॉवरलिफ्टिंग क्षेत्रातील अनुभवी संघटक, प्रशिक्षक आणि शिवछत्रपती पुरस्कारप्राप्त संजय सरदेसाई यांच्या शिरपेचात आणखी एक मानाचा तुरा खोवला गेला आहे. सनसिटी, दक्षिण आफ्रिका येथे होणाऱ्या जागतिक ज्युनिअर व सब ज्युनिअर पॉवरलिफ्टिंग स्पर्धेसाठी भारतीय संघाच्या प्रशिक्षकपदासह पंच म्हणूनही संजय सरदेसाई यांची निवड झाली आहे. त्यामुळे भारतीय खेळाडूंना जागतिक व्यासपीठावर ताकदीची लढत देताना महाराष्ट्राच्या अनुभवी मार्गदर्शकाचे तांत्रिक मार्गदर्शन लाभणार आहे.

 

प्रशिक्षक आणि पंच—दुहेरी जबाबदारी

भारतीय पॉवरलिफ्टिंग संघाच्या महत्त्वाच्या आंतरराष्ट्रीय मोहिमेत संजय सरदेसाई यांच्यावर एकाच वेळी प्रशिक्षक आणि पंच अशी दुहेरी जबाबदारी सोपविण्यात आली आहे. खेळाडूंची तयारी, तांत्रिक बाबी आणि स्पर्धेतील नियमांची अंमलबजावणी यामुळे त्यांच्या अनुभवाचा भारतीय संघाला मोठा फायदा होणार आहे.

 

भाग्य धवनकडून महाराष्ट्राच्या आशा

पुरुष भारतीय संघात महाराष्ट्राचा युवा पॉवरलिफ्टर भाग्य धवन याचा समावेश आहे. जागतिक स्तरावर महाराष्ट्राचे प्रतिनिधित्व करण्याची संधी मिळालेल्या भाग्यला सरदेसाई यांचे मार्गदर्शन लाभणार असल्याने त्याच्याकडून दमदार कामगिरीची अपेक्षा आहे. महिला भारतीय संघात किया कुनाल, हरियाणा आणि अस्मा झबुवावाला यांचा समावेश आहे.

 

राज्य संघटनेच्या सचिवपदापासून विश्वमंचापर्यंत

संजय सरदेसाई हे महाराष्ट्र राज्य पॉवरलिफ्टिंग संघटनेचे सचिव म्हणून कार्यरत असून पॉवरलिफ्टिंगच्या विकासासाठी सातत्याने कार्यरत आहेत. खेळाचे तंत्र, संघटनात्मक कामकाज आणि पंचगिरी या तिन्ही आघाड्यांवरील त्यांचा अनुभव लक्षात घेता भारतीय संघाच्या प्रशिक्षकपदाची जबाबदारी त्यांच्यावर सोपविण्यात आली आहे. त्यांच्या कार्याची दखल घेत त्यांना यापूर्वी शिवछत्रपती पुरस्काराने गौरविण्यात आले आहे.

 

भारतीय संघ दक्षिण आफ्रिकेत दाखल

जागतिक स्पर्धेच्या तयारीसाठी भारतीय संघ नुकताच दक्षिण आफ्रिकेला रवाना झाला आहे. जगभरातील ज्युनिअर आणि सब ज्युनिअर पॉवरलिफ्टर या स्पर्धेत ताकदीची परीक्षा देणार असून, भारतीय संघाकडूनही पदकांची अपेक्षा आहे. या संघासोबत संजय सरदेसाई यांची निवड झाल्याने महाराष्ट्राच्या पॉवरलिफ्टिंग क्षेत्रासाठीही ही अभिमानाची बाब ठरली आहे.

 

महाराष्ट्राच्या अनुभवाची जागतिक कसोटी

भारतीय संघाच्या या आंतरराष्ट्रीय मोहिमेत संजय सरदेसाई यांची भूमिका निश्चितच महत्त्वाची ठरणार आहे. महाराष्ट्रात पॉवरलिफ्टिंगची चळवळ मजबूत करण्यासाठी काम करणाऱ्या सरदेसाई यांना आता जागतिक ज्युनिअर-सब ज्युनिअर मंचावर भारतीय खेळाडूंना घडविण्याची आणि पंच म्हणून जबाबदारी पार पाडण्याची संधी मिळाली आहे. त्यांच्या मार्ग