एमसीसी 12 वर्षांखालील मुले टॅलेंट सर्च क्रिकेट लीग भोसले सीएच्या विजयात अष्टपैलू अद्वैत केकण चमकला

 

एमसीसी 12 वर्षांखालील मुले टॅलेंट सर्च क्रिकेट लीग

भोसले सीएच्या विजयात अष्टपैलू अद्वैत केकण चमकला

 

मुंबई: अद्वैत केकणच्या (3 विकेट्स आणि 25 धावा) प्रभावी अष्टपैलू कामगिरीच्या जोरावर भोसले सीए संघाने ज्वाला स्पोर्ट्स फाउंडेशन आयोजित मुंबई सीसी अकॅडमी 12 वर्षांखालील टॅलेंट सर्च क्रिकेट लीगच्या दुसऱ्या फेरीत एमसीसी ठाणे संघावर 7 विकेट राखून शानदार विजय मिळवला.

 

ओव्हल मैदानावर खेळल्या गेलेल्या सामन्यात प्रथम फलंदाजी करताना एमसीसी ठाणे संघाने 25 षटकांत 9 बाद 141 धावा केल्या. विराट निकुंभने 64 चेंडूंत 70 धावा करत महत्त्वाचे योगदान दिले, तर क्रिश शर्माने 22 धावा काढल्या. भोसले सीएच्या अद्वैत केकणने भेदक गोलंदाजी करत 20 धावांत 3 विकेट्स घेतल्या, तर क्रिस्टियानो बुथेलोने 33 धावांत 2 विकेट्स घेत ठाण्याचा डाव रोखला.

 

भोसले सीएने 142 धावांचे लक्ष्य केवळ 20 षटकांत 3 विकेट्स गमावून सहज पार केले. कियान पी.ने 48 चेंडूंत 61 धावा काढून डावाला दिशा दिली, तर अद्वैत केकणने 25 धावा करत चांगली साथ दिली. एडहास स्वेनने नाबाद 21 धावा करत संघाला विजय मिळवून दिला. ठाण्याच्या शार्दुल जोशीने 18 धावांत 2 विकेट्स घेतल्या.

 

दुसऱ्या सामन्यात शिवसेवा संघाने स्पायडर सीसी संघावर 42 धावांनी मात केली. शिवसेवेच्या सार्थक वसईकरने 50 धावांची दमदार खेळी करत संघाच्या विजयात मोलाचा वाटा उचलला.

 

संक्षिप्त धावफलक:

एमसीसी ठाणे: 25 षटकांत 9 बाद 141 (विराट निकुंभ 70 (64 चेंडू), क्रिश शर्मा 22; अद्वैत केकण 3/20, क्रिस्टियानो बुथेलो 2/33) वि.

भोसले सीए: 20 षटकांत 3 बाद 142 (कियान पी. 61 (48 चेंडू), अद्वैत केकण 25, एडहास स्वेन 21*; शार्दुल जोशी 2/18).

निकाल: भोसले सीए 7 विकेट्स राखून विजयी.

सामनावीर: अद्वैत केकण (3 विकेट्स आणि 25 धावा).

 

शिवसेवा: 25 षटकांत 9 बाद 156 (सार्थक वसईकर 50 (45 चेंडू); भूषण तुमाडे 2/19, आकाश मोरया 2/19) वि.

स्पायडर सीसी: 25 षटकांत 5 बाद 114 (अनिल शर्मा 32, समर्थ जे. 24).

निकाल: शिवसेवा 42 धावांनी विजयी.

सामनावीर: सार्थक वसईकर (50 धावा).

 

फोटो - अद्वैत: सामनावीर भोसले सीएचा अष्टपैलू अद्वैत केकणने 3 विकेट्स आणि 25 धावा करत संघाच्या विजयात महत्त्वाची भूमिका बजावली.