एमसीए प्रेसिडेंट कप 2024 घाटकोपर जॉली जिमखान्याला सी अँड डी डिव्हिजनचे जेतेपद अंतिम फेरीत माटुंगा जिमखान्याविरुद्ध एका धावेने विजय

 

एमसीए प्रेसिडेंट कप 2024

घाटकोपर जॉली जिमखान्याला सी अँड डी डिव्हिजनचे जेतेपद

अंतिम फेरीत माटुंगा जिमखान्याविरुद्ध एका धावेने विजय

 

मुंबई : घाटकोपर जॉली जिमखान्याने (जीजेजी) माटुंगा जिमखान्याला एका धावेने पराभूत करत एमसीए प्रेसिडेंट चषक 2024 च्या सी अँड डी डिव्हिजनचे विजेतेपद पटकावले. वेदांश पटेलच्या अष्टपैलू कामगिरीने (नाबाद 33 धावा व 2 विकेट) संघाच्या विजयात महत्त्वाची भूमिका बजावली.

 

वानखेडे स्टेडियमवर झालेल्या या चुरशीच्या अंतिम सामन्यात, घाटकोपर जॉली जिमखान्याने प्रथम फलंदाजी करत 20 षटकांत 5 बाद 132 धावा केल्या. प्रतीक म्हात्रे (36), वेदांश पटेल (नाबाद 33), आणि जय संगानी (नाबाद 24) यांनी संघाचा डाव भक्कम केला. माटुंगा जिमखान्याकडून योगेश डिचोलकर (2/14) आणि कुणाल गावंड (2/22) यांनी अचूक गोलंदाजी केली.

 

133 धावांच्या आव्हानाचा पाठलाग करताना माटुंगा जिमखान्याची सुरुवात चांगली झाली. इहसान अमीन (24) आणि उत्कर्ष राऊत (31) यांनी 38 धावांची सलामी दिली. त्यानंतर राऊतने रोनक शिंदेसह (30) दुसऱ्या विकेटसाठी 37 धावा जोडल्या. मात्र, मधल्या फळीत विकेट सतत गमावल्यामुळे माटुंगा जिमखान्याला 20 षटकांत 6 बाद 131 धावांवर रोखण्यात आले. वेदांश पटेलने 24 धावांत 2 महत्त्वाच्या विकेट घेत विजयावर शिक्कामोर्तब केले.

 

जी अँड एच डिव्हिजनचे विजेते बॉम्बे युनियन एससी

दुसऱ्या गटातील अंतिम फेरीत बॉम्बे युनियन एससीने डॅशिंग एससीचा 5 विकेट राखून पराभव करत जी अँड एच डिव्हिजनचे विजेतेपद पटकावले. क्रिश यादवने 4/16 अशी भेदक गोलंदाजी करत प्रतिस्पर्धी संघाला 87 धावांवर गुंडाळले. चिन्मय मोहितेच्या 41 धावांच्या योगदानामुळे बॉम्बे युनियनने 18.3 षटकांत विजय मिळवला.

 

संक्षिप्त धावफलक:

सी अँड डी डिव्हिजन (अंतिम फेरी): घाटकोपर जॉली जिमखाना: 20 षटकांत 5 बाद 132 (प्रतीक म्हात्रे 36, वेदांश पटेल 33*, जय संगानी 24*; योगेश डिचोलकर 2/14, कुणाल गावंड 2/22)

माटुंगा जिमखाना: 20 षटकांत 6 बाद 131 (उत्कर्ष राऊत 31, रोनक शिंदे 30, इहसान अमीन 24; वेदांश पटेल 2/24)

निकाल: घाटकोपर जॉली जिमखाना एका धावेने विजयी.

 

जी अँड एच डिव्हिजन (अंतिम फेरी):

डॅशिंग एससी: 17 षटकांत सर्वबाद 87 (क्रिश यादव 4/16, अनिकेत जुवेकर 3/27, अभिषेक पान 2/19)
बॉम्बे युनियन एससी: 18.3 षटकांत 5 बाद 90 (चिन्मय मोहिते 41; तनिश सावे 2/27)
निकाल: बॉम्बे युनियन एससी 5 विकेट राखून विजयी.