महाराष्ट्र राज्य बिलियर्ड्स आणि स्नूकर स्पर्धा 2024 सितवाला, पारीख उपांत्य फेरीत

 

महाराष्ट्र राज्य बिलियर्ड्स आणि स्नूकर स्पर्धा 2024

सितवाला, पारीख उपांत्य फेरीत

मुंबई : जागतिक बिलियर्ड्स विजेता ध्रुव सितवाला आणि अनुभवी सिद्धार्थ पारीख यांनी महाराष्ट्र राज्य बिलियर्ड्स आणि स्नूकर स्पर्धेत सीनियर पुरुष बिलियर्ड्स प्रकारात प्रभावी विजय मिळवत उपांत्य फेरीत स्थान मिळवले. मलबार हिल क्लबच्या बिलियर्ड्स हॉलमध्ये शनिवारी उशिरा झालेल्या सामन्यांत या दोघांनी सातत्यपूर्ण कामगिरी सादर केली.

 

डावखुरा सितवाला फार मोठे ब्रेक न करता रोहन जंबुसारियाचा बेस्ट ऑफ 7-फ्रेम डावात 4-1 असा सहज पराभव केला. जंबुसारियाने दुसरी फ्रेम जिंकत थोडे आव्हान दिले, परंतु बाकीच्या फ्रेम्समध्ये त्याला सूर सापडला नाही.

 

दुसऱ्या सामन्यात सिद्धार्थ पारीखने पहिली फ्रेम गमावूनही शाहयान राझमीवर वर्चस्व गाजवले. तिसऱ्या आणि चौथ्या फ्रेममध्ये 91 आणि 92 गुणांच्या सलग ब्रेक्स नोंदवून पाचव्या फ्रेममध्ये 124 गुणांची चमकदार खेळी करत सामना 4-1 ने जिंकला.

 

संध्याकाळच्या सर्वात चुरशीच्या लढतीत, विशाल मदनने अनुभवी देवेंद्र जोशीला कडवी टक्कर देत 4-1 असा विजय मिळवला. रायन राझमीने सात फ्रेमपर्यंत रंगलेल्या सामन्यात ऋषभ ठक्करवर 4-3 असा विजय मिळवला.

 

निकाल – सीनियर बिलियर्ड्स (उपांत्यपूर्व फेरी):

• ध्रुव सितवाला विजयी वि. रोहन जंबुसारिया 4-1 (152(94,53)-6, 65-150(40), 150(58)-101, 150(41,72)-102(99), 150(69,46)-31).
• विशाल मदन विजयी वि. देवेंद्र जोशी 4-1 (150(82)-106, 150-143, 136-150, 150-146, 150-100).
• रायन राझमी विजयी वि. ऋषभ ठक्कर 4-3 (2-150(148), 150(55)-128(76), 11-150, 150(124)-87, 150(97)-58, 44-150(48), 150-13).
• सिद्धार्थ पारीख विजयी वि. शाहयान राझमी 4-1 (146(63)-151(62*), 150(65,48)-54, 150(91)-21, 152(92)-70(59), 154(124)-30).
•  

फोटो ओळ:

• ध्रुव सितवाला: जागतिक विजेता ध्रुव सितवालाने रोहन जंबुसारियाचा 4-1 असा सहज पराभव केला.
• सिद्धार्थ पारीख: सिद्धार्थ पारीखने शाहयान राझमीला 4-1 ने पराभूत करत प्रभावी विजय मिळवला.