दिलीप कुमारची दमदार खेळी; मुश्ताक खानवर ५-२ ने विजय! एनएससीआय बॉल्कलाइन स्नूकर स्पर्धेत रायन राझमीचीही सहज आगेकूच

 

दिलीप कुमारची दमदार खेळी; मुश्ताक खानवर ५-२ ने विजय!
एनएससीआय बॉल्कलाइन स्नूकर स्पर्धेत रायन राझमीचीही सहज आगेकूच

 

मुंबई: चेन्नईच्या अनुभवी दिलीप कुमारने नॅशनल स्पोर्ट्स क्लब ऑफ इंडिया (एनएससीआय) डोम येथे सुरू असलेल्या बॉल्कलाइन स्नूकर स्पर्धा पात्रता फेरीत प्रभावी विजयाची नोंद केली. बेस्ट ऑफ नाईन फॉरमॅटमध्ये खेळलेल्या सामन्यात दिलीपने मुंबईच्या मुश्ताक खानचा ५-२ अशा फरकाने पराभव करत पुढील फेरीत दमदार प्रवेश केला.

 

पहिल्यांदाच या अखिल भारतीय स्पर्धेत खेळणाऱ्या ३६ वर्षीय दिलीपने सुरुवातीपासूनच आक्रमक खेळ दाखवला. पहिल्या दोन फ्रेम्समध्ये त्याने अनुक्रमे ६४ व ७६ गुणांची झळाळती ब्रेक्स करत मुश्ताकवर तगडे दडपण टाकले. तिसऱ्या फ्रेममध्ये मुश्ताकने झेप घेत ७५-० असा विजय मिळवत पुनरागमनाचे संकेत दिले. पण चौथी व पाचवी फ्रेम पुन्हा दिलीपने आपल्या नावावर करत सामना आपल्या बाजूने झुकवला. सातव्या फ्रेममध्ये ५५ गुणांच्या ब्रेकसह त्याने ५-२ ने सामना जिंकला.

 

निकाल:
दिलीप कुमार वि. मुश्ताक खान – ५-२,

(७६(६४)-०, ७६-८, ०-७५, ६९(४७)-२८, ८१(४३)-५, ८-६९, ६९(५५)-३६)

---

दुसऱ्या लढतीत, मुंबईच्या रायन राझमीने आपला अनुभव पणाला लावत इम्रान नझीरला एकतर्फी लढतीत ४-० ने पराभूत केले. रायनने सलग चार फ्रेम्समध्ये अचूक ब्रेक्स आणि नेटाने खेळ करत सामना पूर्णतः आपल्या ताब्यात घेतला.

निकाल:
रायन राझमी वि. इम्रान नझीर – ४-०

(६५-३२, ५८(४६)-२८, ७४-२०, ६३-१९)

एकूण ३२ लाख रुपयांच्या बक्षीस राशीसाठी स्पर्धा रंगतदार होत असून, आगामी फेऱ्यांमध्ये आणखी थरारक लढती पाहायला मिळणार हे नक्की!