मनीष स्मृती चषक राज्यस्तरीय पुरुष खो-खो स्पर्धा नवमहाराष्ट्र संघ व यजमान विहंग क्रीडा मंडळ अंतिम फेरीत लढणार

 

मनीष स्मृती चषक राज्यस्तरीय पुरुष खो-खो स्पर्धा
नवमहाराष्ट्र संघ व यजमान विहंग क्रीडा मंडळ अंतिम फेरीत लढणार

 

नवी मुंबई : ‘खेळाडूंच्या जोशात पेटलेले मैदान, आणि आता अंतिम सामना ठरणार निर्णायक!’ महाराष्ट्र खो-खो असोसिएशनच्या मान्यतेने विहंग क्रीडा मंडळ आयोजित मनीष स्मृती चषक राज्यस्तरीय निमंत्रित पुरुष खो-खो स्पर्धेची अंतिम फेरी पुण्याच्या नवमहाराष्ट्र संघ व यजमान विहंग क्रीडा मंडळ यांच्यात रंगणार आहे. ही रंगतदार लढत ऐरोली येथील श्रीमती राधिका मेघे विद्यालयाच्या मैदानावर होणार आहे.

 

उपांत्य फेरीतील थरार:

नवमहाराष्ट्र संघ वि राणा प्रताप तरुण मंडळ

या स्पर्धेत उपांत्य फेरीत पुण्याच्या नवमहाराष्ट्र संघाने कुपवाड्याच्या राणा प्रताप तरुण मंडळाचा ११-१० असा एक डाव राखून एक गुणाने दणदणीत पराभव केला. या सामन्यात नव महाराष्ट्राच्या राहुल मंडल (नाबाद २.२० मि. संरक्षण व १ गुण), सुयश गरगटे (१.३०, २.३० मि. संरक्षण), ऋषभ वाघ (२ मि. संरक्षण व १ गुण), शिवराम शिंगाडे (२.२० मि. संरक्षण), अथर्व ढाणे (१.१०, १.३० मि. संरक्षण), रुद्र थोपटे (४ गुण) यांच्या जोरदार कामगिरीच्या जोरावर विजयाची नोंद केली. तर पराभूत राणा प्रताप तरुण मंडळाच्या आयुष लाड व सौरभ घाडगे (प्रत्येकी १.१० मि. संरक्षण व १ गुण), साहिल वालकर (१ मि. संरक्षण व २ गुण) यांच्याशिवाय इतर कोणालाही उल्लेखनीय कामगिरी करता न आल्याने मोठ्या पराभवाला सामोरे जावे लागले

 

विहंग क्रीडा मंडळाने वि. शिर्सेकर्स महात्मा गांधी स्पोर्ट्स अकॅडमी

दुसऱ्या उपांत्य सामन्यात यजमान विहंग क्रीडा मंडळाने शिर्सेकर्स महात्मा गांधी स्पोर्ट्स अकॅडमीचा १२-१० असा ३.४० मि. राखून २ गुणांनी विजय साजरा केला. विहांच्या गजानन शेंगा ळ (१.३०, २.४० मि. संरक्षण व ३ गुण), महेश शिंदे (१, ३ मि. संरक्षण), आकाश तोगरे (१.३०, १.५० मि. संरक्षण), आकाश कदम (३ गुण) यांनी विजयाची पायाभरणी केली. तर पराभूत शिर्सेकर्स महात्मा गांधी स्पोर्ट्स अकॅडमीच्या हर्षद हातणकर (१.४०, २.३० मि. संरक्षण, २ गुण), निहार दुबळे (२.१० मि. संरक्षण व ३ गुण), दीपक माधव, रामचंद्र झोरे, निखिल सोडये व प्रतिक देवरे ( प्रत्येकी १.१० मि. संरक्षण) यांना आपली कामगिरी उंचावतांना आल्याने पराभवाचा सामना करावा लागला.

 

आता संपूर्ण खो-खो क्रीडाजगताची नजर अंतिम सामन्यावर आहे. नवमहाराष्ट्रचा आक्रमक खेळ की विहंग मंडळाचा घरच्या मैदानावरील आत्मविश्वास – कोण ठरणार विजेता?