अडसूळ ट्रस्ट राज्यस्तरीय शालेय कॅरम स्पर्धा २०२५ मडीसी ज्वेलर्स संघाचे विजयी खातं; सार्थकच्या नीलच्या खेळाने स्पर्धेत धमाका!

 

अडसूळ ट्रस्ट राज्यस्तरीय शालेय कॅरम स्पर्धा २०२५
मडीसी ज्वेलर्स विजेते

एमडीसीच्या सार्थकच्या खेळीने स्पर्धेत धमाका!

मुंबई : महाराष्ट्र दिन व कामगार दिनाचे औचित्य साधत एलआयसी प्रायोजित, विनाशुल्क अडसूळ ट्रस्ट राज्यस्तरीय शालेय सुपर लीग कॅरम स्पर्धा दादर-पश्चिम येथे जल्लोषात पार पडली. या स्पर्धेत राज्यख्यातीच्या खेळाडूंनी सजलेल्या एमडीसी ज्वेलर्स संघाने धमाकेदार खेळ करत अंतिम लढतीत बाजी मारली.

 

अंतिम सामन्यात थरारक लढत:

पहिल्याच सामन्यात एमडीसीच्या सार्थक केरकर याने राष्ट्रीय शालेय कॅरमपटू तनया दळवी हिचा २५-० असा नील गेमने धुव्वा उडवत संघाला आघाडी मिळवून दिली. मात्र, प्रत्युत्तरादाखल जैतापूरच्या आर्यन राऊत याने वेदिका पोमेंडकरवर २५-० अशी मात करत सामना १-१ ने बरोबरीत आणला. निर्णायक लढतीत अमेय जंगम याने अर्णव गावडेवर १७-११ अशी मात करत एमडीसी ज्वेलर्सला अजिंक्यपदाचा मान मिळवून दिला.

 

तृतीय क्रमांकासाठी देखील जोरदार झुंज:

आत्माराम मोरे प्रतिष्ठान व सिबिईयु वॉरियर्स यांच्यातील लढत अत्यंत चुरशीची झाली. मयुरेश पवार आणि प्रसाद माने यांनी अनुक्रमे प्रतिस्पर्ध्यांना नील गेम देत सामना बरोबरीत आणला. अखेरच्या सामन्यात श्रीशान पालवणकर याने उमैर पठाणचा २५-५ असा पराभव करत आत्माराम मोरे प्रतिष्ठानला तिसऱ्या क्रमांकावर विराजमान केले.

 

स्पर्धेतील ठळक संघ:

उपांत्यपूर्व विजेते: गोविंदराव मोहिते फायटर्स, आनंदराव अडसूळ प्लॅटिनम

इतर उल्लेखनीय संघ: अभिजित घोष फेअर प्ले, अविनाश नलावडे स्पोर्ट्स

 

पारितोषिक वितरण सोहळा:

या भव्य स्पर्धेचा पारितोषिक वितरण सोहळा माजी केंद्रीय अर्थ राज्यमंत्री आनंदराव अडसूळ, कॅप्टन अभिजित अडसूळ, क्रीडापटू राजीव अडसूळ यांच्यासह अनेक मान्यवरांच्या उपस्थितीत संपन्न झाला.

 

पंच मंडळींचे कुशल संचालन:

संतोष जाधव, सचिन शिंदे, चंद्रकांत करंगुटकर, अविनाश महाडिक, अर्जुन कालेकर, वेदांत महाडिक, ओमकार चव्हाण, प्रॉमिस सैतवडेकर यांनी स्पर्धेचे पंच म्हणून उत्कृष्ट योगदान दिले.