इंडियन जिमखाना आणि कॉर्व्हस एएला विजेतेपद !
१८ वर्षांखालील मुले व मुली गटाचे
विजेतेपद पटकावले
वायएमसीए २९व्या राज्यस्तरीय
बास्केटबॉल स्पर्धेत थरारक लढती; एकगुणी विजयांनी चुरशीचे सामने
मुंबई : घाटकोपर वायएमसीए कोर्टवर रंगलेल्या वायएमसीएच्या
२९व्या राज्यस्तरीय खुल्या बास्केटबॉल स्पर्धेत इंडियन जिमखाना (मुले) आणि कॉर्व्हस अमेरिकन अकॅडमी (मुली) यांनी प्रभावी कामगिरी करत १८ वर्षांखालील गटातील
विजेतेपद आपल्या नावावर केले. महाराष्ट्र बास्केटबॉल असोसिएशन आणि जीएमएनडीबीए
यांच्या संयुक्त विद्यमाने झालेल्या या स्पर्धेत दोन्ही अंतिम सामन्यांत
रोमांचकारी चुरस पाहायला मिळाली.
मुले गटाच्या अंतिम सामन्यात इंडियन जिमखाना आणि कॉर्व्हस
एएमध्ये अक्षरशः श्वास रोखून धरावा असा खेळ रंगला. मध्यंतराला इंडियन जिमखान्याने
१५-७ अशी भक्कम आघाडी घेतली होती; मात्र दुसऱ्या हाफमध्ये कॉर्व्हसने दमदार लढत देत सामना
रंगतदार केला. अखेरच्या क्षणापर्यंत समसमान झुंज दिल्यानंतर इंडियन जिमखान्याने ५२-५१ असा एकच गुणाच्या फरकाने
विजय साकारला. देवेश क्षीरसागर (२५) आणि केविन नादर (१२)
यांनी जिमखान्याच्या विजयात महत्त्वाची भूमिका बजावली.
मुलींच्या गटातही तितकीच अटीतटीची लढत पाहायला मिळाली.
कॉर्व्हस अमेरिकन अकॅडमीने उत्कृष्ट समन्वय आणि चपळ खेळाची छाप पाडत सेंट अँथनीजवर
६०-५७ असा विजय मिळवत विजेतेपदावर शिक्कामोर्तब केले. महेक शर्मा
(२५) आणि सानवी कोलिशेट्टी (१८) यांनी अप्रतिम खेळ करत संघाला यश मिळवून दिले.
निकाल :
१८ वर्षांखालील मुले अंतिम फेरी :
इंडियन जिमखाना (देवेश क्षीरसागर २५,
केविन नादर १२) – विजयी
वि. कॉर्व्हस अमेरिकन अकॅडमी (निरंजन रजनीथ १२,
भानू राठोड १२)
स्कोर : ५२-५१ (हाफटाईम : १५-७)
१८ वर्षांखालील मुली अंतिम फेरी :
कॉर्व्हस अमेरिकन अकॅडमी (महेक शर्मा २५,
सानवी कोलिशेट्टी १८) – विजयी
वि. सेंट अँथनीज (कार्य पगारे १६,
शरण्य सावंत १५)
स्कोर : ६०-५७ (हाफटाईम : १६-१०)
फोटो कॅप्शन्स :
इंडियन जिमखाना : एमएसबीएचे सरचिटणीस गोविंद मुथकुमार आणि घाटकोपर वायएमसीएचे
अध्यक्ष शिशिर आयमन यांच्यासोबत इंडियन जिमखान्याचे खेळाडू विजयी ट्रॉफीसह पोज
देताना.
कॉर्व्हस अकॅडमी : कॉर्व्हस अमेरिकन अकॅडमीचे खेळाडू बॉम्बे वायएमसीएचे
सरचिटणीस ॲलन कोटियन यांच्यासोबत विजेत्यांच्या ट्रॉफीसह पोज देताना.
Post a Comment
0 Comments