कुर्ल्यात रंगणार कबड्डीचा थरार
शुक्रवारपासून तीन दिवसांची दमदार स्पर्धा सुरू
रिशांक देवाडिगा, शैलेश गाराळे, शुभम भिडबाग यांसारख्या स्टार खेळाडूंमुळे रंगणार चुरस
मुंबई : कबड्डीप्रेमींसाठी उत्साहाची लाट निर्माण करणारी भव्य
स्पर्धा आजपासून कुर्ल्यात रंगणार असून, नामांकित खेळाडूंच्या उपस्थितीमुळे मैदानावर थरारक लढतींचा
महापूर उसळणार आहे! स्वर्गीय अजितदादा पवार यांच्या स्मरणार्थ आयोजित या स्पर्धेत मुंबईतील अव्वल संघ
एकमेकांसमोर उभे ठाकणार असून, कबड्डीचा जल्लोष अनुभवण्याची ही सुवर्णसंधी ठरणार आहे.
स्पर्धेचे ठिकाण व वेळापत्रक
१० ते १२ एप्रिल २०२६ दरम्यान सलग ३ दिवस सायंकाळी ६.०० वाजल्यापासून गांधी मैदान, मुंबई पब्लिक स्कूल मागे, पिंपळेश्वर हनुमान मंदिर शेजारी,
कुर्ला (पश्चिम) येथे ही स्पर्धा रंगणार आहे. कबड्डीच्या
रोमांचक सामन्यांनी दररोज संध्याकाळी मैदान गाजणार आहे.
संयुक्त विद्यमाने भव्य आयोजन
मुंबई उपनगर जिल्हा कबड्डी असोसिएशनच्या मान्यतेने
गौरी शंकर क्रीडा मंडळ
आणि हनुमान क्रीडा मंडळ यांच्या संयुक्त विद्यमाने, कुर्ला क्रीडा केंद्राच्या माध्यमातून प्रथम श्रेणी पुरुष
गट व कुमार गटातील सामने आयोजित करण्यात आले आहेत. आयोजन समितीने स्पर्धेची भव्य
तयारी पूर्ण केली आहे.
स्टार खेळाडूंमुळे रंगणार जबरदस्त चुरस
प्रथम श्रेणी पुरुष गटात प्रो-कबड्डीतील शिवछत्रपती
पुरस्कार विजेते रिशांक देवाडिगा यांचा सागर क्रीडा मंडळ संघ विशेष आकर्षण ठरणार आहे.
त्याचबरोबर राष्ट्रीय खेळाडू शैलेश गाराळे आणि शुभम भिडबाग यांचा अंबिका सेवा मंडळ संघ, तसेच राष्ट्रीय खेळाडू सागर नार्वेकर यांचा चेंबूर क्रीडा केंद्र संघ यांच्यात जबरदस्त लढती
पाहायला मिळणार आहेत.
रोख पारितोषिकांसह प्रेक्षकांसाठी खास पर्व
या स्पर्धेत विजेत्या संघांसाठी आकर्षक
रोख पारितोषिके
ठेवण्यात आली असून, खेळाडूंच्या कामगिरीला अधिक धार मिळणार आहे. आयोजकांनी
जास्तीत जास्त कबड्डीप्रेमींनी उपस्थित राहून या स्पर्धेचा आनंद घ्यावा,
असे आवाहन केले आहे.
कबड्डीप्रेमींसाठी सुवर्णसंधी
कुर्ल्यातील या स्पर्धेमुळे स्थानिक खेळाडूंना आपली
गुणवत्ता दाखवण्याची संधी मिळणार असून, प्रेक्षकांना थरारक कबड्डी सामन्यांचा मेजवानी अनुभवायला
मिळणार आहे. पुढील तीन दिवस कुर्ला परिसरात कबड्डीचा जल्लोष पाहायला मिळणार आहे.
Post a Comment
0 Comments