भारतीय कुस्तीला नवे बळ!
युनायटेड रेसलिंग फेडरेशन ऑफ इंडियाच्या
अध्यक्षपदी काझी अब्दुल मतीन यांची नियुक्ती
कुस्तीच्या विकासासाठी नवे पर्व सुरू
राष्ट्रीय-आंतरराष्ट्रीय स्पर्धा, ‘खेळाडू दत्तक योजना’ आणि मुंबईत भव्य आयोजनाचा
संकल्प
कुस्तीच्या आखाड्यात नव्या नेतृत्वाची दमदार
एंट्री!
मुंबई : क्रिकेटनंतर भारतातील सर्वाधिक लोकप्रिय आणि परंपरेने समृद्ध असा मानाचा खेळ म्हणजे कुस्ती, आणि आता या खेळाच्या विकासाला नवी दिशा देण्यासाठी मोठे पाऊल उचलण्यात आले आहे. कुस्तीच्या बळकटीकरणासाठी, खेळाडूंना सक्षम व्यासपीठ देण्यासाठी आणि राष्ट्रीय-आंतरराष्ट्रीय स्तरावर भारताची ताकद अधिक ठळक करण्यासाठी काझी अब्दुल मतीन यांची युनायटेड रेसलिंग फेडरेशन ऑफ इंडियाच्या अध्यक्षपदी नियुक्ती करण्यात आली आहे. या नियुक्तीमुळे कुस्ती विश्वात उत्साहाची नवी लाट निर्माण झाली असून भारतीय कुस्तीच्या भविष्यासाठी हा ऐतिहासिक क्षण मानला जात आहे.
कुस्तीशी घट्ट नाळ : अनेक वर्षांची सातत्यपूर्ण
बांधिलकी
काझी अब्दुल मतीन हे अनेक वर्षांपासून कुस्ती क्षेत्राशी
सक्रियपणे जोडलेले आहेत. देशभरातील विविध प्रतिष्ठित आणि मोठ्या कुस्ती
स्पर्धांमध्ये त्यांची सातत्यपूर्ण उपस्थिती राहिली आहे. त्यांनी केवळ उपस्थितीच
नाही, तर अनेक होतकरू
आणि संघर्षशील कुस्तीपटूंना आर्थिक मदत करून त्यांच्या प्रगतीला प्रत्यक्ष हातभार
लावला आहे. त्यांच्या या कार्यामुळे ते कुस्ती क्षेत्रातील विश्वासार्ह आणि
समर्पित नाव म्हणून ओळखले जातात.
मान्यवरांचा वारसा : कुस्तीला नेहमीच मिळाले
मोठे पाठबळ
भारतामध्ये कुस्तीच्या विकासासाठी यापूर्वीही अनेक
दिग्गजांनी महत्त्वपूर्ण योगदान दिले आहे. शरद पवार, नितीन गडकरी, मुलायम सिंह यादव तसेच खासदार रामदास तडस यांसारख्या मान्यवरांनी कुस्तीच्या प्रगतीसाठी
सातत्याने पाठबळ दिले. या मजबूत परंपरेत आता काझी अब्दुल मतीन यांचे नेतृत्व नवे पर्व सुरू करणारे ठरत आहे.
मोठ्या व्यासपीठाचा संकल्प : राष्ट्रीय ते
आंतरराष्ट्रीय स्पर्धांचे नियोजन
आपल्या नियुक्तीबाबत बोलताना काझी अब्दुल मतीन यांनी स्पष्ट शब्दांत सांगितले की, “क्रिकेटनंतर भारतात कुस्ती हा सर्वाधिक लोकप्रिय
खेळ आहे. युनायटेड रेसलिंग फेडरेशन ऑफ इंडियाच्या माध्यमातून आम्ही या खेळाला अधिक मोठे
व्यासपीठ देण्याचा प्रयत्न करू. राष्ट्रीय तसेच आंतरराष्ट्रीय स्तरावरील भव्य
स्पर्धांचे आयोजन करण्यात येईल.” त्यांच्या या वक्तव्यामुळे कुस्तीप्रेमींमध्ये
नव्या अपेक्षा निर्माण झाल्या आहेत.
‘खेळाडू दत्तक योजना’ : युवा कुस्तीपटूंना नवे बळ
फेडरेशनच्या माध्यमातून लवकरच ‘खेळाडू दत्तक योजना’ सुरू करण्यात येणार असल्याची घोषणाही त्यांनी
केली. या योजनेद्वारे होतकरू आणि प्रतिभावान युवा कुस्तीपटूंना आवश्यक आर्थिक, तांत्रिक आणि स्पर्धात्मक सहाय्य मिळणार आहे.
देशातील युवा कुस्तीपटूंना घडवण्यासाठी फेडरेशन कटिबद्ध असल्याचे त्यांनी स्पष्ट
केले.
मुंबईतही भव्य कुस्ती स्पर्धांचा मानस
कुस्तीचा जल्लोष केवळ उत्तर भारतापुरता मर्यादित न ठेवता
मुंबईतही मोठ्या प्रमाणावर भव्य कुस्ती स्पर्धांचे आयोजन करण्याचा मानस असल्याचे काझी अब्दुल
मतीन यांनी सांगितले. यामुळे महाराष्ट्रातील आणि विशेषतः
मुंबईतील युवा खेळाडूंना मोठ्या स्पर्धांमध्ये सहभागी होण्याची नवी संधी मिळणार
आहे.
प्रतिष्ठित स्पर्धांमध्ये सहभाग : हिंदुस्तान
केसरी ते संकटमोचक केसरी
फेडरेशनच्या सहकार्याने हिंदुस्तान केसरी, देवाभाऊ केसरी आणि संकटमोचक केसरी यांसारख्या प्रतिष्ठित आणि ऐतिहासिक कुस्ती
स्पर्धांच्या आयोजनात संघटनेचा सक्रिय सहभाग असणार आहे. या स्पर्धा भारतीय
कुस्तीच्या परंपरेचा आत्मा मानल्या जातात आणि त्यामध्ये फेडरेशनची भूमिका अधिक
मजबूत होणार आहे.
अभिनंदनाचा वर्षाव : सर्व क्षेत्रांतून
शुभेच्छांचा ओघ
काझी अब्दुल मतीन यांच्या अध्यक्षपदी नियुक्तीबद्दल क्रीडा, सामाजिक आणि राजकीय क्षेत्रातील अनेक
मान्यवरांनी त्यांचे मनःपूर्वक अभिनंदन केले आहे. त्यांच्या नेतृत्वाखाली भारतीय
कुस्तीला नवसंजीवनी मिळेल, असा विश्वास व्यक्त करण्यात येत आहे.
भारतीय कुस्तीच्या नव्या पर्वाची दमदार सुरुवात!
युनायटेड रेसलिंग फेडरेशन ऑफ इंडियाच्या अध्यक्षपदी काझी अब्दुल
मतीन यांची नियुक्ती ही केवळ पदनियुक्ती नाही, तर भारतीय कुस्तीच्या नव्या युगाची सुरुवात आहे.
खेळाडूंना सक्षम व्यासपीठ, नव्या योजना, मोठ्या स्पर्धा आणि भक्कम नेतृत्व यामुळे भारतीय
कुस्तीचा झेंडा आता आणखी उंच फडकणार, यात शंका नाही!
Post a Comment
0 Comments